အင်းရှည်ချောင်းဆုံရွာ ရွှေအစု

 

 အခန်း(၂၄)                                                                                                                     အင်းရှည်ချောင်းဆုံရွာ ရွှေအစု

 

ရွှေကျင်​၁၃ရွာ စာရင်းတွင် ကျန်သည့်ရွာများအားလုံးသည် စည်ပတုန်းချောင်း၏ တောင်ဘက်တွင် တည်ရှိကြသော်လည်း​ အင်းရှည်​​ချောင်​ ဆုံရွာသည်​ စည်​ပတုန်း​ချောင်း၏ ​မြောက်​ဘက်​ထဲ ​ဖောက်​ပြီး ရောက်နေသည်​။မြေပုံအရဆို​သော်​ ​ရွှေကျင်​၁၃ရွာသည်​ စည်​ပတုန်း​ချောင်း၏ ​တောင်​ဘက်​ခြမ်းတွင်​ ရှိသည်​။ အင်းရှည် ချောင်းဆုံရွာ နည်းတူ ကာပေါင်းကျရွာသည်လည်း ဒီပဲယင်းနယ်ရှိ သစ်စေးခွန်ဆက်အစု ဖြစ်သည့် နှောခေါင်ရောင်းရွာ စာရင်းတွင် ပါဝင်နေသည်ကို တွေ့ရသည်။                                                                                                       ရွှေကျင်​၁၃ရွာနယ်​ကား ​တောင်​ဘက်​တွင်(​တောင်​ဘက်​ခြမ်းအ​နောက်​စွန်း သဲထောင်း၊ခင်မင်၊ရွာငယ်၊ အင်း ကြီး၊ ပလူစ၀​ဒေသ) ဒီပဲယင်းမြို့နယ်​ အ​နောက်​ခြမ်း ​နှော​ခေါင်​​ရောင်းနယ်​စပ်​ထိ၊ အ​နောက်​ဘက်​ သစ်​​စေး၆ရွာ နယ်​စပ်​ထိ (ကင်းစန်းရွာ)၊​မြောက်​ဘက်​တွင်​ စည်​ပတုန်း​ချောင်း၊ အ​ရှေ့ဘက်​တွင်​ မြို့တင်​နယ်​ ၊အ​ရှေ့တောင်​ဘက်​နှင့်​​တောင်​ဘက်တွင်(တောင်ဘက်ခြမ်း အရှေ့စွန်း​တွင်​) ရွာသူကြီးနယ်​တည်​ရှိသည်​။ သို့ပါလျက်​ ​စည်ပတုန်းချောင်း၏ မြောက်ဘက်ထဲတွင် တည်ရှိသည့် ​ အင်းရှည်​​ချောင်းဆုံကို ရွှေကျင်၁၃ရွာစာရင်းတွင် တွေ့နေရချေရာ ချွင်းချက်ဟုသာ ဆိုရတော့မည်။                                                                                                                                         သို့​သော်​ ပုရပိုက်​ထဲရှိ ​ရွှေအလယ်​​ကြောင်းစာရင်းတွင်​ 

 

အင်းရှည်​​ချောင်းဆုံရွာ ​ရွှေမှူး      ၁        ပြင်​​ရွှေခွန်​ဆက်​။ ဒီပယင်းမြို့နယ်​ရှိ ​ရွှေအစုကို ​ကောက်​ခံ၍ ​ရွှေအလယ်​​                                                                             ကြောင်း​ရေးစုကို ပါဝင်​ထမ်းရွက်​မြဲ ဖြစ်​ပါသည်​။ ဟူ၍ ​ဖော်​ပြထားပြန်​​ချေရာ မြေဒူးနယ်အတွင်းတွင် ပါဝင်သည့် အင်းရှည်ချောင်းဆုံရွာမှ ရွှေမှူးသည် ဒီပဲယင်းနယ်ရှိ ရွှေအစုကို ကောက်ခံ၍ ရွှေခွန်ဆက်သရကြောင်း  ​သိရှိရပေသည်။                                                                                            သို့သော်ငြားလည်း ဒီပဲယင်းနယ်၏ မည်သည့်အပိုင်းတွင် အဆိုပါ ရွှေခွန်ဆက်အစုက တည်ရှိကြောင်း ဖော်ပြမထားသဖြင့် ရှာဖွေရ ခက်လှသည်။ ရွှေအလယ်ကြောင်း သစ်စေးခွန်ဆက်သရသည့် ပုရပိုက်မှတ်တမ်းကြီးတွင် အင်းရှည်ချောင်းဆုံရွှေနယ်၏ သစ်စေးတောများ အမည်စာရင်းကို ဖောပြထားသည်။ သို့နှင့် အင်းရှည်ချောင်းဆုံ ဒေသရှိ အသိမိတ်ဆွေများထံ ပုရပိုက်ပါ အဆိုပါ သစ်စေးတောအမည်​ (၂၁) ခုကို အင်းရှည်ချောင်းဆုံ ပတ်ဝန်းကျင်ဒေသတွင် ရှိမရှိ မေးမြန်းစုံစမ်းရာ တစ်ခုမှ မရှိပါ ဆိုသဖြင့် ရှာရခက်သွားပြန်တော့သည်။                                    သို့နှင့် ပုရပိုက်စာရင်းပါ အင်းရှည်ချောင်းဆုံ သစ်စေးတော အမည်များကို အသေးစိတ် ထပ်မံ ဖတ်ရှု ကြည့်မိပြန်ရာ သဲလွန်စတစ်ခုကို သွားတွေ့ရသည်။ ပုရပိုက်ထဲတွင် မောင်ပန်းကုန်းတော ဟူ၍ ​ပါရှိသဖြင့် မောင်ပန်းရွာဘက်ကိုများ ညွှန်းလေသလော ဟု စဉ်းစားမိကာ အဆိုပါ ရွှေကျင်မော်ရွာ၊ မောင်ပန်းရွာဘက်ရှိ အသိမိတ်ဆွေများထံ မေးမြန်းစုံစမ်းရာ ဆပ်ပြာအိုင်ရွာမှ သစ်စေးသမား ကိုဝင်းကိုမှ အဆိုပါ တောများ အားလုံး ရွှေကျင်မော် မောင်ပန်း ခင်မင် ရေရှင် ဒေသတွင် တည်ရှိကြောင်း အသေးစိပ် ပြောပြပေးသည်။               အဆိုပါ သစ်စေးတောများအားလုံး၏ တည်နေရာကိုပါ အသေးစိပ် သိရှိရသဖြင့် ဒီပဲယင်းစီရင်စု အတွင်းရှိ အင်းရှည်ချောင်းဆုံ ရွှေခွန်ဆက် အစုကို ရှာဖွေတွေ့ရှိလာရသည့်အပြင် အဆိုပါ ရွှေကျင်မော် မောင်ပန်းရွာတို့သည် ရှေးယခင်က ဒီပဲယင်း စီရင်စုအောင်တွင် တည်ရှိကြောင်းကိုပါ သိရှိလာရသည့်အတွင် သမိုင်းအတွက် အင်မတန်မှ တန်ဖိုးကြီးလှပေသည်။ ဤသို့ဆိုလျင် သဲထောင်းရွာ၊ခင်မင်ရွာတို့သည် မြေဒူးနယ်အဆုံးရှိ ရွာများဖြစ်ပြီး သူတို့တောင်ဘက်ရှိ ရွှေကျင်မော်ရွာနှင့် မောင်ပန်းရွာတို့သည် ဒီပဲယင်းနယ်အ၀င် ရွာများပင် ဖြစ်သည်။ ရွှေကျင်မော်ရွာသည် စောမဲချောင်း၏ မြောက်ဘက်ကမ်းတွင် ရှိသော်လည်း ယေဘူယျအားဖြင့် သတ်မှတ်ရလျင် စောမဲချောင်းသည် မြေဒူးနယ်နှင့် ဒီပဲယင်းနယ်ခြား ဟုသာ ဆိုရပေလိမ့်မည်။

မည်သို့ပင်ဆိုစေကာမူ ရွှေကျင်​၁၃ရွာ နယ်​အ၀င်​ ​ရေရှင်​ရွာ သဲ​ထောင်းရွာ ​(ကြောင်​ဆင်းအိုင်​ရွာ)နှင့်​ ခင်​မင်​ရွာတို့၏ ​တောင်​ဘက်တွင် တည်ရှိပြီး  ​ ​ရှေးက ဒီပဲယင်းနယ်​အ၀င်​ ယခု ​ရေဦးမြို့နယ်​ အ​နောက်​​မြောက်​ခြမ်းရှိ ​ရွှေကျင်​​မော်​ရွာ​နှင့် မောင်​ပန်း​ရွာ နှစ်ရွာအကြား၊ အဆိုပါရွာနှစ်ရွာ၏ ရှေ့နောက်တောင်မြောက် ၀ဲယာဒေသတို့သည် အင်းရှည်​​ချောင်းဆုံ ​ရွှေနယ်​ပင်​ ဖြစ်​​သည်​ကို ရှာဖွေ ဖော်ထုတ်နိုင်သည်ကပင်လျင် သမိုင်းအတွက် တန်ဖိုးကြီးလှပေသည်။                   ထိုမျှသာမက ​ရွှေကျင်​​မော်​၏ အ​နောက်​ဘက်​ ​မောင်​ပန်းရွာ၏ ​တောက်​ဘက်​တွင်​ရှိ ကျနုပ်​တို့ ​တွေရှိခဲ့ကြ​သော သံချက်​ဖိုကြီးများ တည်​ရှိရာသည် အင်းရှည်ချောင်းဆုံရွှေနယ်နှင့် တစ်ဆက်တည်း တည်ရှိသည်ကိုပါ လေ့လာတွေ့ရှိရလေသည်။သို့ဖြစ်၍ အဆိုပါ သံချက်ဖိုကြီးများမှာ ရွှေအလယ်ကြောင်းစာရင်းပါ  ဒီပဲယင်းမြို့နယ်​ ​​သံခွန်​ဆက်​အစုတွင်ပါဝင်သည့် သံချက်လုပ်သားတို့၏ သံချက်ဖိုများပင် ဖြစ်လိမ့်မည်ဟု ယူဆရပေသည်။    

 

အင်းရှည်ရွာ ဆောက်စာရင်း

 

ရေကျည်အိုင်တော             

မောင်ဘန်ကုန်းတော          

နွားချံကုန်းတော                

မိလုံးတော                        

တောင်ပို့လှတော                

၎င်းတောတပိုင်း                  

၎င်းတောတပိုင်း                 

မိုးကြိုးပြစ်တော           

စည်ကုန်တော                     

တောချောရှည်တော           

ပိထောံချောံတော               

အင်းရှောင်တော              

၎င်းတောတပိုင်း                 

တပိုးထူတော                     

ရွာရင်းတော                       

ကူပြောင်ပိုင်တော           

ချေဘိုတော                        

ရေကျည်အိုင်တော             

မောင်ဘန်းကုန်းတော        

ပိထောံချောံတောတပိုင်း

ကြိမ်တောအိုင်တော    

   

ပေါင်း              ၂၁

 

၁။ ရွာရင်း​တော                 ​မောင်​ပန်းရွာ အ​နောက်​ဘက်​ကပ်​လျက်​။

၂။ ကူ​ပြောင်​ပိုင်​​တော          (ကူ​ပြောင်​ပိုင်​ချောင်းသွယ်​)ရွာရင်း​တော၏ အ​နောက်​ဘက်။

၃။တပိုးထူ​တော                ​မောင်​ပန်းရွာ၏ အ​နောက်​ဘက်​ ကူ​ပြောင်​ပိုင်​​တော၏ အ​နောက်​ဘက်​။

၎။ ​ရေကြည်​အိုင်​​တော        ခင်​မင်​ရွာ၏ အ​ရှေ့ဘက်​။

၅။ ​မောင်​ပန်းကုန်း​တော      ​မောင်​ပန်းရွာ၏ အ​​နောက်​​တောင်​ဘက်​ ။

၆။ ​တောင်​ပို့လှ​တော ​             ရေရှင်​ရွာ၏ အ​နောက်​တည့်​တည့်​ (ဘုရားပျက်​များ၏ အ​နောက်​ခပ်​လှမ်းလှမ်း) ။

၇။ မိုးကြိုးပစ်​​တော ​               မောင်​ပန်းရွာ၏ အ​ရှေ့ဘက်​တည့်​တည့်​ ​ရွှေကျင်​​မော်​ရွာ၏ အ​နောက်​​မြောက်​တည့်​တည့်​။

၈။ဆီကုန်​​တော                 ​ရွှေကျင်​​မော်​ရွာ၏ ​တောင်​ဘက်​ ။

၉။တော​ကြောရှည်​​တော      တောလျားရှည်​​တော။ ခင်​မင်​ရွာ၏ ​မြောက်​ဘက်​ ။

၁၀။ အင်း​ရှောင်​​တော          ခင်​မင်​ရွာ၏ အ​ရှေ့​တောင်​ဘက်​ ​မောင်​ပန်းရွာ၏ အ​နောက်​​မြောက်​ဘက်​(နှစ်​ရွာကြား) ။

၁၁။ ​ချေဘို​တော               ​ချေကြီး​တော။ ရေရှင်​ရွာ၏ ​တောင်​ဘက် ။                                                                                     ၁၂။ပိတောက်ချောက်တော  မောင်ပန်းရွာ၏ အနောက်ဘက်၊တပိုးထူတော၏ အနောက်ဘက် ကပ်လျက်။               ၁၃။ ကြိမ်တောအိုင်တော            ရွှေကျင်မော်ရွာ၏ တောင်ဘက်၊ စောမဲချောင်း၏ မြောက်ဘက်ကပ်လျက်။                 အင်းရှည်ချောင်းဆုံရွှေမှူးသည် အဆိုပါ ဒေသအတွက်သာမကပဲ ဒီပဲယင်းနယ်ရှိ ရွှေအစုကိုပါ ပူးတွဲ ကောက်ခံချေသလော သို့မဟုတ် ဒီပဲယင်းရွှေအစုကိုသာလျင် တာဝန်ခံ ကောက်ခံရသလော စဉ်စားစားစရာပင်။ သူ့အနီးအနား ကပ်လျက်ရှိသည့်  သဲထောင်း ၊ကြောင်ဆင်းအိုင်၊ ရေရှင်တို့က မကောက်ခံပါပဲ အဝေးကြီးတွင် တည်ရှိ သည့် အင်းရှည်ချောင်းဆုံ ရွှေမှူးက လာရောက် ကောက်ခံသည်ဆိုသည်မှာ ထူးခြားနေသည်။ ရှေးယခင်က အင်းရှည် ချောင်းဆုံရွာ အဆက်အနွယ်တို့သည် အဆိုပါနေရာတွင် အချေချလာခဲ့ပြီးမှ အင်းရှည်ချောင်းဆုံဒေသသို့ ပြောင်းရွှေ့လာခဲ့ကြချေသလော။ သို့မဟုတ် ကျနုပ်တို့ ငယ်စဉ်က ရွှေကျင်တောများတွင် နယ်ပေါင်းစုံက လာရောက် ရွှေကျင်ကြသကဲ့သို့ အင်းရှည်ချောင်းဆုံဒေသမှ လူများသည် အဆိုပါဒေသသို့ လာရောက်လာ ရွှေကျင်ကြသဖြင့် အင်းရှည်ချောင်းဆုံနာမည် တွင်နေရစ်သလော သို့မဟုတ် အဆိုပါ ပတ်ဝန်းကျင်ဒေသတွင် အင်းရှည်ချောင်းဆုံ နာမည်ရှိ ရွာဟောင်းများ ရှိခဲ့ချေသလော။                                                                                 တစ်ခြားဖြစ်နိုင်ချေတစ်ခုမှာ ရွှေကျင်မော်နှင့် မောင်ပန်းရွာကြားတွင် အင်းရေ ဟူသော နတ်ကြီးစင်တစ်ခု ရှိပြီး အင်းရေအက် ဟုလည်း ခေါ်ကြသည်။ ရွှေကျင်မော်မှ မောင်ပန်းရွာသို့ သွားလျင် အဆိုပါ အင်းရေအက်နားမှ စောမဲချာင်းကို ကူးရသဖြင့် အဆိုပါ နေရာကို  အင်းရေချောင်းကူး ဟု ခေါ်ကြသေးသည်ဟု ဆိုသည်။ အဆိုပါ အင်းရေနေရာကိုများ အစွဲပြုပြီး အင်းရေ မှ အင်းရှေ ဖြစ်လာချေသလော ။ ကျနုပ်၏ အထင်တွင် အဆိုပါ အင်းရေကို အစွဲပြု၍ အင်းရေ မှ အင်းရှေ (အင်းရှည်) ဟု ဖြစ်လာသည်ဟုသာ ကောက်ချက်ချမိပါသည်။ မြန်မာစာ ပါမောက ဆရာကြီး ဒေါက်တာအောင်နေမျိုးကလည်း ရှေးတုန်းက ရှေ ကို ရေ ဟုလည်း ရေးကြသေးကြောင်း၊ အ်းရှေနှင့် အင်းရေ မှာ အတူတူပင်ဖြစ်ကြောင်း၊ အဆိုပါ အင်းရေ မှာ အင်းရှေ(အင်းရှည်) ဖြစ်နိုင်ကြောင်း ထောက်ပြသည်။  ကျနုပ်တို့ ဆက်လက် ရှာဖွေဖော်ထုတ် ကြရပေဦးမည်။