၁၃၊ လွန်ဘိုဦးရွာ
လွန်ဘိုဦးရွာအကြောင်း ပါရှိသည့် ပုရပိုက်ကလေးသည် မှုန်ဝါးဝါးနျင့် အတော်ကလေး ဖတ်ာုရသည်။ အစပထမစာကြောင်းသည် မပါရှိတော့သည့်အပြင် ဒုတိယအကြောင်းနောက်ဆုံးပိုင်း စာလုံးရေ လေးငါးလုံးစာခန့်ကလည်း ပုရပိုက်ပျက်ဆီးနေသဖြင့် ပါမလာတော့ပေ။ ကျန်ရှိနေသော အပိုင်းကလေးက သမိုင်းတစွန်းတစ်စကို ပြောပြနေနိုင်သေးသဖြင့် ၀မ်းမြောက်ရပေသည်။
သည်အတိုင်း ၃ခုနှစ် ထန်းရင်းအိံ(အိမ်)ံ မရုတ်မလျော့စေရ။ပေးဆောင် ထန်းရွက်ရမည် ဆိုင်ရာ ၀န်မင်း……သောကြောင့် ..ပေးချိန်ဆောင်ရွက်ရသည်ဖြစ်ပါ၍ သစ္စေး၆ရွာအ၀င် စင်းသင်းစီရင်စု လွန်ဘိုဦးရွာနေ ငပြောင် ငထွန်းအောင် ငနီတို့မှာ အခွဲခန့်ငွေများကို လျှောံထားတောင်းခံရှိသည့်အမှုမှာ၂မြေ ၁မြေ နယ်နီး ပယ်စပ် နေထိုင်ကြသူခြင်း ဖြစ်၍ ပြောဆိုကြက အမှုစကား ကြယ်ပွားရန် ရှိသည်ဖြစ်၍ ၃ခုနှစ် ငွေတော် ပေးချိန်ပြီးနောံ ပြောင်းရွှေ့နေထိုင်သူတို့ ၁အိမ်လျင် ၃ပြားကျ ငွေကို ပေးပြီးလျင် နောင့်နောင် နယ်ရှင် သူကြီးတို့က တမြို့တနယ် ပြောင်းရွှေ့နေထိုင် စရင်း အတင်အပေးအလွှဲ မရှိစေနှင့် ငြိမ်ဝပ်စွာ နေထိုင်စေရမည်။
၁၂၃၄ခု သတင်းကျွတ်လပြည့်ကျော် ၁၀ရက်နေ့ ၃ခရိုင် ဂိုဏ်းအုပ် ဂိုဏ်းထောံ ဆရာတော်တို့ မိန့်ချက်။
ပုရပိုက်အရဆိုသော် လွန်ဘိုဦးရွာသည် သစ်စေး ၆ရွာ အ၀င် စင်းသ်းစီရင်စု အောက်တွင် တည်ရှိခဲ့သည်ကို တွေ့ရသည်။ ၁၂၃၄ခုနှစ် သီတင်းကျွတ်လပြည့်ကျော် ၁၀ရက်နေ့ဟု ဖော်ပြထားသဖြင့် ကုန်းဘောင်ခေတ်နှောင်ပိုင်း မင်းတုန်းမင်းလက်ထက်ထိ အဆိုပါရွာကလေးသည် ရှိနေသေးသည်ကို တွေ့ရသည်။ မည်သည့်အချိန်တွင် ရွာပျက်သွားကြောင်း အိမ်ခြေမည်မျှရှိကြောင်း ရှာမတွေ့ရချေ။ အဆိုပါ လွန်ဘိုဦးရွာကား ယနေ့ခေတ်တွင် လွန်ဘိုဦးလယ်ခြင်း ဟူ၍သာ သိကြတော့သည်။ ဤပုရပိုက်မှတ်တမ်းသာ ရှာမတွေ့ခဲ့လျင် မည်သူမျှ လွန်ဘိုဦးရွာ ရှိခဲ့သည်ကို သိရှိကြမည် မဟုတ်ချေ။ လွန်ဘိုဦးလယ်ခြင်းကား လက်ရှိစင်းသင်းရွာ၏ အရှေ့တောင်ဘက် စည်ပတုန်းချောင်းဘေးတွင် တည်ရှိသည်။
၁၄။ မှန်တောရွာ
ပုရပိုက်ထဲတင် မှန်တောရွာကို မြို့တင်စီရင်စု မှန်တောရွာ ဟု တွေ့ရသည်။ မှန်တောရွာသည် ကန်းကလေးကုန်းရွာ၏ မြောက်ဘက် နတ်ကြီးတောသည် မှန်တောရွာဟောင်းနေရာပင် ဖြစ်သည်။ နတ်ကြီးတော၏ အနောက်ဘက်နားတွင် မှန်တော ဘိုးတော်ကြီးနတ်စင်ရှိသည်။ မှန်တောရွာဟောင်း၏ မြောက်နားရှိ ပိုးထိလယ်ခြင်းခေါ် လယ်နေရာတွင် ပိုးထိသေပြီး နတ်ဖြစ်လာသည့်အတွက် မှန်တောနတ်ကြီး ဟူ၍ ခေါ်ကြသည်။ အဆိုပါ မှန်တောဘိုးတော်ကြီး ပိုးထိသည့်လယ်ခြင်းကိုလည်း ပိုးထိလယ် ဟု ယနေ့တိုင် ခေါ်တွင်လျက်ရှိသည်။ ဇီးပေါက်ရွာရှိ ဗုံကြီးမှာ အဆိုပါ မှန်တောဘိုးတော်ကြီး ပိုင်ဆိုင်ခဲ့သည့် ဗုံကြီးများ ဟု သိရသည်။
ထူးခြားသည်မှာ သူ့တောင်ဘက်ကပ်လျက် တည်ရှိသည့် ကန်ကလေးကုန်းရွာသည် မြေခု စီရင်စုအောက်၌ တည်ရှိသော်လည်း မှန်တောရွာမှာမူ မြို့တင်စီရင်စု အောက်၌ တည်ရှိသည်ကို တွေ့ရပြန်သည်။ မှန်တောကဲ့သို့ပင် ရာဇဂြိုဟ်ရွာဟောင်းသည်လည်း မြို့တင်စီရင်စု အောက်၌ ရှိသည်ကို တွေ့ရသည်။ သစ်စေးပင်လှ ကျေးကန် တို့ကား မြေခုစီရင်စုအောက်တွင် ရှိခဲ့သည်။ မှန်တောရွာသည် မှန်တောပယ်အတွင်းတွင်တည်ရှိပြီး မြို့တင်နယ်အတွင်းရှိ ပယ်(၁၂)ခုအနက် တစ်ခု အပါအ၀င်ဖြစ်သည်။ ရှေးက မြို့တင်နယ်သည် ရွှေကျင်၁၃ရာနယ် ဆပ်သွားရွာနယ်များကဲ့သို့ သီးခြားတည်ရှိခဲ့သည်။ မြိုတင်နယ်သည် အရှေ့ဘက်တွင် ဆပ်သွားနယ် တောင်ဘက်နှင့် အနောက်ဘက်တွင် ရွှေကျင်၁၃ရွာနယ်၊ မြောက်ဘက်တွင် နွားကောင်းတင်နယ်တည်ရှိသည်။ မြို့တင်နယ်မြေ အပိုင်းအခြားကို ဖော်ပြသော ပုရပိုက်သည် အတော်ကလေး ပျက်ဆီးနေလေရာ ဖတ်ရ အင်မတန် ခက်လှသည်။ ဖတ်၍ ရသလောက် နယ်မြေအပိုင်းအခြားကား ထန်းတောကုန်းရွာအနီး ၀က်လူးအိုင်ထိ (ဘော်ကတောအရှေ့နားဆီ) ၊ ထိုမှ သစ်စေးပင်လှရွာ အရှေ့ဘက်ရှိ ယုကြောင်ပယ်၊ ရာဇဂြိုပယ်၊ ကျွဲခိုးပယ် ထိုမှတစ်ဖန် ကန်ကလေးကုန်းရွာ မြောက်ဘက်ရှိ မှန်တောပယ် ထိုမှ မြောက်ကိုလားသော် အိုင်ဗျဲတော ကုန်းပေါ်ရှိ ပိတောက်ပင်အထိ ဟူ၍ ပါရှိသည်ကို တွေ့ရသည်။ အိုင်ဗျဲတောကား နွားကောင်တင်နယ်အတွင်းတွင် တည်ရှိသည်။ မှန်တောပယ်၏ အနောက်ဘက် လင်းတသေတော၊ ခြောက်တင်းကျေးတောတို့သည် ဇီးပေါက်စီရင်စုအောက်တွင် တည်ရှိသည်။ ယုကြောင်နတ်ကြီးတောသည် သစ်စေးပင်လှရွာ၏ အရှေမြောက်နားတွင် တည်ရှိသည်။ မြို့တင်နယ်နှင့် ပတ်သက်၍ ပုရပိုက်တစ်ခုတွင် အောက်ပါအတိုင်း မြို့တင်ကျွဲခေါင်း ၁၂ဦးကို ဖော်ပြထားသည်ကို တွေ့ရသည်။ ကွဲခေါင်းဟူသည် အဆိုပါ ပယ်နယ်အတွက် ခန့်ထားသော အကြီးအကဲပင်။ ယနေ့ခေတ် မြောင်းခေါင်းနှင့် အလားတူပင်။
သက္ကရာဇ် ၁၁၄၅ခု ၊ခုနှစ် ၁၁၆၄ခုနှစ် ၁၁၆၇ခု မြေဒူးမြို့ အ၀င် မြို့တင်နယ်၎ရပ်၈ရပ်နယ်မြေများကို ပဲဖွယ့်ရာ (ပယ်ဖွဲ့ရာ) ကျွဲခေါင်း ၁၂ ခန့်သည့်စာရင်း
မြွှိုတင်ရွာမခေါင်း မောင်နှောင် ၁ ၆၀င်္ကျဲ ၃၇ိ ကြေးကိုင်မောင်စံပွင့် ပေါံတော တခေါင်း ၁ ၅၀င်္ကျဲ ၃၁ိ၁ံ ကြိုရင်ပျင်တော မောင်နေကျော် တခေါင်း ၁ ၅၀င်္ကျဲ ၃၁ိ၁ံ ညောင်ကံတောခေါင်း မောင်တင်ကြီး ၁ ၈၀င်္ကျဲ ၅၀ ပျင်ဝင်အုတောခေါင်း မောင်မြတ်အောင် ၁ ၅၀င်္ကျဲ ၃၁ိ၁ံ တောင်ကျွဲကိုးတောခေါင်း မောင်ရွှေသာ ၁ ၅၀င်္ကျဲ ၃၁ိ၁ံ ရာဇဂြိုတောခေါင်း မောင်ရွှေစိန် ၁ ၅၀င်္ကျဲ ၃၁ိ၁ံ ယုကြောင်တောခေါင်း မောင်မြတ်ညွန် ၁ ၁၃၀င်္ ၈၁ိ၁ံ ရသရာတောခေါင်း မိသာလှေး ၁ ၇၀င်္ကျဲ ၄၃ိ၃ံ မြောံကျွဲကိုးတောခေါင်း မောင်မွေ ၁ ၅၀င်္ကျဲ ၃၁ိ၁ံ မှံတောခေါင်း ရှင်ဝင် ၁ ၁၃၀င်္ကျဲ ၈၁ိ၁ံ ညံအိုင်တောခေါင်း မောင်ခြစ်နှောင် ၁ ၅၀င်္ကျဲ ၃၁ိ၁ံ
၅ါ၁၂ိ
တင်းကျဲပေါင်း ……
အခွန်ထန်းပဲပေါင်း ၄၁၀င်္ ၁ပဲလျင် ၁ိ၁ံကျငွေပေါင်း ၅၁၀ိ
ဤပုရပိုက်သည် ၁၁၄၅၊ ၁၁၆၄၊ ၁၁၆၇ ခုနှစ်က ပုရပိုက်မှတ်တမ်းဖြစ်သဖြင့် ဘိုးတော် ဦးဝိုင်းလက်ထက်ပင်ဖြစ်သည်။ ဘိုးတော်ဦးဝိုင်း လက်ထက်တွင် ရွာမ(မြို့တင် အနီးပတ်ဝန်းကျင် လယ်တောကို ညွှန်းဆိုခြင်း ဖြစ်ပေလိမ့်မည်။)၊ပေါက်တော၊ကြိုးရင်းပြင်တော၊ ညောင်ကန်တော၊ ပျဉ်းပင်ဥတော၊ တောင်ကျွဲခိုးတော ၊ မြောက်ကျွဲခိုးတော၊ ရာဇဂြိုတော ၊ ယုကြောင်တော၊ ရသယာတော၊ မှန်တော၊ ညံအိုင်တော စသဖြင့် ပယ်(၁၂)ခု ရှိခဲ့သည်ကို တွေ့ရသည်။ ယုကြောင်တောကား ယုကြောင်နတ်ကြီးပတ်ဝန်းကျင်၊ ကျွဲခိုးတောကား သစ်ရာပင်ရွာသစ်ရွာ၏တောင်ဘက်၊ ညောင်ကန်တောကား မြို့ထင်ဘုရား၏ အရှေ့မြောက်ဘက်၊ကျေးကန်ရွာနှင့် သစ်စေးပင်လှရွာ နှစ်ရွာကြား အရှေ့တည့်တည့်ဆီရှိ ညောင်ကန်ကုန်း နေရာပင်။ ဗဟုသုတမျှသာ။
ရွှေကျင်၁၃ရွာ စီရင်စု ကန်ကလေးကုန်းရွာနေ ကျောင်းတကာ ငပေါ်သစ် လျောံချက်။ ။ ။ကျွန်တော် အရှင်…..ကြေးရွာဆင်းရဲသားအကြိုးကို ကြိုးမှုများနှင့် ရွှေဘွားတော်အောံ ခစ်တ ဆင်းသွား တရားရေး ပြောဆိုနေသည့်အတွင်း မြေတူးမြို့အ၀င် မြို့တင်နယ်အုပ်စု မှံတောရွာနေ ငမာနှင့် လူ၎ရောံသားတို့ ကျနုပ်နေအိမ်ကို ကျူးလွံကျော်နင်း၍ သားမယားတရားမလိမ်မာသူတို့ကို မှူးများသွေးဆောင် သမီးငယ် မိမင်းမိတ်ကို မိနန်းအုံ သား ငဘိုးဝန်နှင့် တောင်းဆို မင်္ဂလပြုလုပ်သည်များ ခံနေရပါသည်။ အဘ အစိုးရ … မရှိသည်အတွင်း နေအိမ်ကျူးလွံကျော်နင်းမင်္ဂလာပြုလုပ်တောင်းဆိုသူ ငမာကို တရားနှင့် စစ်မေးတော်မူပါ မှံရာဖြစ်ပါရမည့်အကြောင်း။
၁၂၂၅ခု ကဆုန်လပြည့်ကျော် ၁၂ရက်နေ့တွင် မျို့တင်စီရင်စု မှန်တောပယ် ယုချောင်ပယ် လယ်မြေကုန်းတို့ကို ၅ဘို အမွေခံ သားမြေးမှန်သူ နေမျိုးရဲလှရာဇာကျော်ထင် မောင်အောင် မောင်ပျား မောင်လှိုင် ငကျွယ်ပေါ မောင်ဝေ မောင်ပုံကျော် နေမျိုးရဲလှ ကျော်ထင် သီရိသမံနော်ရထာ မောင်တေဥမောင်ဝင် မောင်မိတ် မောင်ရွှေပေါတို့ သဘောတူ စာချုပ် ထားကြသည်။ ၅ဘိုတို့ ရာဇိုင်သည့် မှန်တောလယ် ယုချောင်လယ်မြေရပ်များကို ကာလရှေကျာ ရွေ့လျောလာ၍ သူတထူးထန် ပေါင်နှန် နစ်မွန်တိန်ဂေါ် ရှိသည်များကို ၅ဘိုတို့ အမွေသားမြေးမှံသသည့်အတိုင်း သဘောတူရာကျခံ တရားအဘက် ပေါ်ရှိလျင် တူညီကျကုန် ပျောဆိုပါမည် စာချုပ်မတည် မပျောမဆို ဖောံပျန်ကပ်ခိုနေလျင် ဆွေမျိုးတို့ တရားကို ဖောံပျန်သောသူမှန်သည်ဖြစ်၍ ဆွေမျိုးတို့ကို ရောံကျားတကိုပိုးငွေရွံနီ ၃၀ိ ကတော့ပါမည်ဆို၍ ၄င်္စာချုပ်သန်လူတို့ သဘောတူစာချုပ်နှင့် လဘက်လှန်စားကျသည် ကာလ စာစီစာရေး အချုပ်ဝင်လူ နေမျိုးရဲလှရာဇကျော်ထင် လဘက်ပေးသူ စာချုပ်ဝင်လူ ငကျွယ်ပေါ၊
၁၂၄၄ခု ပြာသိုလပြည့်ကျော် ၇၇က်နေ့ မြေထူးမြို့ စီရင်စု ရွှေကတန်းရွာနေ ငညှာ ငဘေတို့ချက်။။ ကျွန်တော် မြေတူးမြို့ဝန်လူဆို၍ ထားလှံစွဲကိုင် ….မဘံမဆီး။ ငတေဦး ငရွှေတိုး ပြေးမပြေးမသိ။ မိအိမ်ဆောင်ကို ကျွန်တော် ကိုလက်ရောံ မဆွဲမကိုင်။ ကျိုးနှင့် မချီမတုပ်။ ရွှေကတန်းရွာ ရောံကာလ မိအိမ်ဆေင်ကို အကျင်း မခပ်မထား။ ငရွှေနီက ငတေဦး သား ငဘိုးခိုင်သည် ရွှေငွေအကွင်းအချီအထည်အလိပ်များကို ခိုးယူ။ သူခိုး ငဘိုးခိုင် အဘ ငတေဦးသည် မှန်တောရွာနေ ငရွှေတိုး မာား မိအိမ်ဆောင်တို့ နေအိမ်တွင် ပုံးအောင်းရှိနေကြောင်း ငရွှေနီက မြို့ရုံးမှာ လျောံထားသောကြောင့် ၄င်းငတေဦး သား ငရွှေတိုးကို စစ်မေးရန်ရှိကြောင်းနှင့် လမ်းခရီး မထွက်မလွတ်စေရ အတူပါအောင် ခေါ်ချကဲ့ရမည် မြို့ဝန်စာနှင့် နယ်ရှင်သူကြီးကို တောင်းလျင် ငတေဥ သား ငရွှေတိုးကို တိမ်းရှောင်ထွက်ပြေးရှိသောကြောင့် သူခိုးလက်ခံသူ ငရွှေတိုး ထွက်ပြေးရှိကြောင်း မယား မိအိမ်ဆောင်ကို ခံဝန်ယရှိ သူကြီးက ထည့်အပ်သည်နှင့် ကျွန်တော် မိအိမ်ဆောင်ကို ချခေါ်လာရာ လမ်းစဉ်တလျောံ ညင့်အချိန်ရောံလျင် ထွက်ပြေးလိန့်မည်ကို ကျောံရွံ့သောကြောင့် နယ်ရှင် သူကြီး ရွာအုပ်ခေါင်းတို့သို့ အပ်နှံချုပ်ထားသည်ကို အစွဲပြု၍ လက်ရောံမှုစကားနှင့်သာ မ ………
မှန်တောရွာကို ၁၂၄၄ခုနှစ်အထိ တွေ့နေရသေးသည်။ မည်သည့်အချိန်က ရွာပျက်သွားကြောင်း မသိရပေ။ ပါတော်မူပြီးနောက် ကန်ကလေးကုန်းရွာသို့ ပေါင်းသွားဖွယ်ရာ ရှိပေသည်။
၁၅။ကုန်းသာရွာ
ကုန်းသာရွာဟောင်းနေရာကား လက်ရှိ ဆံဆွဲရွာအနီးရှိ ပန်းတောင်းကျောင်း၏ အနောက်ဘက်နားစတွင် တည်ရှိသည်။ ကုန်းသာတောဟု သာ သိကြတော့သည်။ ဆံဆွဲရွာမှ ဒေါက်တာ ခင်မောင်ညွန်တို့ မိဘများ ပိုင်ဆိုင်သည့် လယ်တောနေရာပင်။ လက်ရှိတွင် ဦးခင်မောင်ညွန့်၏ ညီများ လုပ်ကိုင်လျက်ရှိသည်။
ကုန်းသာရွာက ၁၁၃၅ခုနှစ် ပုရပိုက်မှာ ဘုရင့်ထံ အခွန်ထမ်းဆောင်ပြီး လုပ်ကိုင်ကြရသည့် လယ်တောများ စာရင်းတွင်လည်းကောင်း။ ၁၁၃၅မှ ၁၁၉၀ထိ တစ်ဆက်တည်း လုပ်ကိုင်လာကြသည့် လယ်လုပ်သူနှင့် လယ်တောစာရင်းတွင်လည်းကောင်း တွေ့ရသည်။ ၁၁၃၅ ပုရပိုက်တွင် ငသက်နှင်း သား မောင်မြတ်ဆီ သား မောင်ရွှေမိတ် ည်ီ ငရွှေရိပ် ငပြို ကုန်းသာရွာအနောံ မခြေငုပ်တို၊ ညောင်ပင်ရှိုထိ ၄၀င်္ လယ်လုပ်သူ(ဖတ်မရ) ကုန်းသာရွာအရှေ့ ကံအောက်ရှိုထိ လယ်မြေ ၁၀င်္ကျဲ ဟူ၍ လည်းကောင်း ၊
၁၁၂၅၊၁၁၃၅၊၁၁၄၅၊၁၁၅၅၊၁၁၆၄၊၁၁၇၅၊၁၁၈၂၊၁၁၈၅၊ ၁၁၈၈၊၁၁၉၀ ခုနှစ်များပါရှိသည့် လယ်တောစာရင်းတွင်လည်း ငမှော် သား ငလှေလယ် ကုန်းသာရွာအရှေ့ ကံအောက်လယ် ၊ငသက်နှင်း သား ငမြတ်ဆီ သူး ငမိတ် ကုန်းသာရွာအနောက် မချည်းငုပ်ရှိုတော ဟု ၍ ရေးသားဖော်ပြထားသည်ကို တွေ့ရသည်။ ဖော်ပြပါ ပုရပိုက်နှစ်ခုတွင် ပါရှိသည့် လယ်တောစာရင်းများမှာ ရွှေကျင် ၁၃ရွာနယ်နှင့် မြို့တင် နယ်အတွင်း တည်ရှိသည့် လယ်တောစာရင်းများ ဖြစ်ကြလေရာ ရွှေကျင်၁၃ရွာ နယ်သည် အဆိုပါ ကုန်သာရွာ၏ အရှေ့ဘက်အနောက်ဘက်လယ်များထိ ပါဝင်သည်ကို တွေ့ရသည်။ ထိုမှ တောင်ဘက်သွားသော် ပိတ်တောအင်းအနီးရှိ လယ်တောများကို ထပ်မံဖော်ပြထားသည်။ ဤသို့ဆိုလျင် ကုန်းသာရွာ အနီးထိသည် ရွှေကျင်၁၃ရွာနယ် အတွင်းတွင် တည်ရှိသည်ဟု ယူဆရသည်။
အခြား ပုရပိုက်မှတ်တမ်းတစ်ခုတွင် သက္ကရာဇ် ၁၂၂၁ခု တော်သလင်းလအတွင်း တပရင်းမြို့ စီရင်စု ကုန်သာရွာ ဆိုထားလေရာ အဆိုပါ ကုန်သာရွာသည် ဒီပဲယင်းနယ်အဆုံးရှိ နယ်ခြားရွာပင် ဖြစ်သည်။ ကုန်းသာ ရွာအရှေ့ဘက် ကံအောက်ရှိုသည် ရွှေကျင်နယ်အဆုံးဖြစ်ပေလိမ့်မည်။ ရွှေကျင်နယ်မှာ ရေရှင်ကုန်းရွာ အနောက် ၀ါးရုံပင် တောင်ပို့ထိ ဟုဖော်ပြထားသည်ကိုလည်း တွေ့ရသဖြင့် ရေရှင်ကုန်းရွာအနီးမှ ကုန်းသာရွာအနီး၊ ထိုမှ ပိတ်တောအင်း၊ မြေခုဘက်ဆီသို ရွှေကျင်၁၃ရွာ နယ်သည် ဆက်လက်လာခဲ့ပြီး အရာတော်ဘုရားသည် တောင်ဘက်မှ ရွာသူကြီးနယ်စပ်ပင်ဖြစ်သည်။
သက္ကရာဇ် ၁၂၂၁ခု တော်သလင်းလအတွင်း တပရင်းမြို့ စီရင်စု ကုန်သာရွာနေ ငရွှေမြတ် မျင်းမိသားကို တူတော်သူ ငကျော် ငလှောက် င….တို့က ငွေ ၂ဲဝိ ချိန် ၂၃ိ ကြောင်းတကာ ငတေဥထံ ၀ယ်ယူသည့်မြင်းက
No comments:
Post a Comment