သခင်ကိုယ်တော်မှိုင်း မှိုင်းဋီကာ(၃၈)
ဘိန်းဓာပြတော့ ထိန်းချလိုက်ပတဲ့ ကိုမင်းရာရေ
ကြားမိတဲ့စကား အားရှိလှသဗျား ကိုမင်းရာရေ
ဖိုးရောင်းပြီး အချိုးပြောင်း ချမ်းသာလာတာများ
ဗရမ်ဗတာအကောင် ဖိုးဘုရင်က
တစ်မျိုးအသွင်နဲ့ ငရဲရွာကနေပြန်လာပြီး
မဲမသမာဖို့အကြံနဲ့ ပါတီထောင်
မြန်မာပြည်ဘောင်ကို
ပထွေးလက် ပေးဆက်ဖို့ ကြံနေတာကိုးဗျ။
ရာရာစစ ကိုမင်းရာရယ်
ပထွေးတရုတ် ဂွေး
ပြေးစုပ်ဖို့အတွေးနဲ့
တြိဂံတောင်ကြားကနေ အယောင်ယောင်အမှားမှားနဲ့
မကြံစည်မအပ်ရာ မြန်ပြည် နတ်ရွာကိုလာပြီး
ဖွတ်သူခိုးဘုရင်တွေ ဇွတ်ထိုးတင်တာနဲ့
အသဲ ဘ၀င်ကိုင်ပြီး မဲယှဉ်ပြိုင်ဖို့
ဗုံးဘုရင်အကြမ်းဖက်သမားတွေနှယ်
အမေစုကိုများ
ပခုံးယှဉ်ပြိ်း လှမ်းတက်ချင်လို့ ရမလား ကိုမင်းရာရယ်။
ငြိမ်းချမ်းရေး ငြိမ်းချမ်းရေး နဲ့
ဇွတ်အော်ကာ ဘိန်းစိုက်လာတဲ့အကောင်တွေက
ဖွတ်အဖော်တွေနဲ့ ယိမ်းတိုက်ပြီး
လွှတ်တော်ကို သိမ်းပိုက်ချင်လို့ ရမလား ကိုမင်းရာရယ်။
တပူတော့ အေးပေါ့ ကိုမင်းရာရေ
ဗလောင်းဗလဲနဲ့
တဇောက်ကန်းဘုရင်
ပေါက်ပန်းပင်ကြီးကို
မြောင်းထဲ ဆွဲချဖို့နဲ့
သူခိုးသူဝှက်တွေကို ထိုးနှက်ပြီး
သင်းတို့ရဲ့ ဆိုးယုတ်တဲ့အကြံတွေကို
မျိုးဖြုတ်ဖို့ပဲ ကျန်ပါတော့တယ်။
အဲသည်တော့ ကိုမင်းရာရေ
တိုင်းခွင်မြန်မာ အနာဂတ်ဖြိုးစေဖို့
မှိုင်းသခင်ဆရာ စာစပ်ကာ ချိုးလိုက်မယ်
ကြယ်ဖြူ ပေါ် ခေါင်းတင်တဲ့
ဒေါင်းဘုရင်ကို မဲပေးပါမှ
အမွဲဘေးက အမြန်လွတ်မှာမို့
ပြည်မြန်မာ တန်ခိုး
သည်ကမ္ဘာမှာ တိုးပွားလာစေဖို့
အမျိုးသားတို့ရေ
သည်တစ်ခါ ညီညာကာ
ကြိုးစားလိုက်ကြပါဦးစို့
တိုင်းမြန်ပြည်အရေး
ဝိုင်းကြံစည်ကာ ဖေးလိုက်ကြပါစို့
အမေစုမျက်နှာလန်းစေဖို့
သပြေနုနဲ့ မေတ္တာဖြန်းပက်ပြီး
အသဲကြားက မဲပြားတွေကို
မကွဲမပြားစေပဲ
ဖွတ်သူခိုးတွေကို မောင်းထုတ်ဖို့
ခေါင်းရှူပ်ခံကာ စဉ်းစားမနေကြပါနဲ့
မိဘတို့ရဲ့ ရှိသမျှမဲ
သတိတယနဲ့သာ အားခဲပြီး
အမေစုအထဲသာ ဝေစုတွေစွဲကာ
တအားနွှဲပြီး ထည့်လိုက်ကြပါစို့ ကိုမင်းရာ။
No comments:
Post a Comment