၁၃၃၂ခု သီတင်းကျွန်လဆန်း ၈ရက်နေ့(8 Oct,1970) ကြာသာပတေးနေ့ ညနေ ၄နာရီ၌ မွေးဖွားသော ကျနုပ်သည် ၄၄နှစ်ပြည့်၍ ၄၅နှစ်ထဲသို့ တစ်ရက်စွန်းခဲ့ပြီ။ကျနုပ်ကားဗေဒင်ကိန်းခန်းအရ ဆိုသော် မရဏဖွားတည်း။
မရဏခွင် ဖွားမြင်လျင်
ငယ်စဉ်သေဆုံးများ။
မသေကြီးလွှမ်း ရွှေထီးလျှမ်း
ရဟန်းမင်းပုဏ္ဏား။
မသေရွှေထီး သေမြေကြီး
စွန့်ပြီးသွားတတ်ငြား။
မိမိမွေးရာ မနေပါ
ပြည်ရွာလှည့်လည်သွား။
စိုးရိမ်ကြောင့်ကြ ဖမိဘ
သောကအလွန်များ။ တဲ့။
ကျုပ်မှာ ကိုးတန်းအောင်တော့ ဆယ်တန်းတွဲဘက်ကျောင်း ကျောင်းလခပေးရမှာမို့ ရွှေကျင်လိုက်သွားတာ ငှက်ဖျားနှိပ်စက်သဖြင့် ဆေးရုံနှစ်ခါ ပြန်တက်ရတာ မသေလို့သာ သည်စာပေါက်ကရ လေးဆယ် ရေးနိုင်တာကလား။သစ်ပင်ပေါ်ကပြုတ်ကျ တာက ငါးခါ။သူငယ်တန်း၊ ၊နှစ်တန်း၊ငါးတန်း၊ကိုးတန်းနဲ့ ဆယ်တန်းအောင်
ပြီးတော့ စုစုပေါင်း ၅ခါ ပြုတ်ကျတာ။ကိုးတန်းအောင်တော့ ရွှေကျင်မလိုက်ခင် အင်ကြင်းပင် ပေ ၃၀ လောက်က ကျတာ ကံကောင်းလို့ မသေဘူး။
၅တန်းကနေ ၁၀တန်းထိ အသွားလေးမိုင် အပြန်လေးမိုင် ခြေလျင်လျောက် ကျောင်းတက်ခဲ့ရရဲ့။ကျုပ်နဲ့အတန်းတူ သူငယ်ချင်းတွေ စက်ဘီးစီးလာတာမြင်တော့ သိမ်ငယ်စိတ်နဲ့ လမ်းဘေးတောထဲကိုဝင်ပြီး မျက်ရည်ကျခဲ့ရတာတွေ ကျုပ် သတိယမိပါရဲ့။မုန်ဖိုးမရှိလို့ တနေကုန် ဗိုက်ဟောင်းလောင်းနဲ့ နေခဲ့ရတာလည်း မှတ်မိပါရဲ့။
ပထမနှစ်တက်ဖို့ နန့်မဖြစ်ရွာနဲ့ ဖားကန် ကို့ ကုန်စိမ်းထမ်းခဲ့ရရဲ့ ။ကုန်စိမ်းထမ်းတော့ ထမ်းစမရှိပဲ ထမ်းတော့ ညသန်းခေါင် ကျော် နန့်မဖြစ်သင်္ချိုင်းကုန်းဘေး ဘယ်ဘက်လက်ပြင်အုံ အဆစ်လွဲသွားတာ တစ်ယောက်ထဲ ကူမယ့်ကယ်မယ့်လူမရှိနဲ့ နာလွန်းလို့မျက်ရည်ပေါက်ပေါက်ကျ ခဲ့ရတာကိုသတိရမိပါရဲ့။
အဲဒီကနေ ဖားကန့်ကြီးမှော်ထဲမှာ ခေါက်စားထမ်ခဲ့ရရဲ့။
ကျောက်တွင်း အနက်ကြီးထဲဆင်း ၂ပြလောက်ဝေးတဲ့ နေရာကို သွားပစ်မှ တစ်ခေါက်တစ်ကျပ်ရတာ ကိုလည်း ကျုပ် မှတိမိပါရဲ့။ကားခပေးစရာမရှိလို့ မိုးကောင်းကနေ ဖားကန့်ကို သုံးည အိပ်ပြီး ခြေလျင်လျောက်ခဲ့ရတာလည်း သတိယမိပါရဲ့။လုံခင်းမှာ လည်း လက်သမားလုပ်ခဲ့ရရဲ့။လက်သမားလုပ်လို့ ပိုက်ဆံမစုမိလို့ လုံးခင်းနဲ့ ဖားကန့်ကူးတဲ့ စက်လှေမှာစပယ်ယာ လုပ်ခဲ့ရရဲ့။ စက်လှေ ပေါ်လုပ်တုန်း ကေအိုင်အေက ချောဆွဲလို့ သူတို့စခန်း စက်လှေနဲ့ ဆန်လိုက်ပို့ ခဲ့ရသေး။စစ်တပ်က ငါ့ ကို
ပစ်လိုက်ရင် ငါ သေသွားနိုင်တယ်လို့ ပြန်ပြန်တွေးမိပါရဲ့။ ဒုတိယနှစ်အတွက် မှော်ရှန်ကနေဆန်ဝယ် ကျောပိုးသယ်ပြီး ဖားကန့်မှာ ရောင်းရှာခဲ့ရတယ်။ဒါနဲံလည်း ဝင်ငွေမကောင်းလို့ ဖားကန့်က ငှက်ပျော တောမှာ ရေထမ်း ရောင်းခဲ့ ရတယ်။ လူလည်းပဲ ဦးပုညရဲ့ ရေသည် လုံးလုံး ဖြစ်သွားတော့တာပဲ။ရေထမ်းရောင်းတာ ဝင်ငွေနည်းနည်းကောင်းလို့ ပိုတဲ့ ပိုက်ဆံလေး လက်စွပ်လုပ်ဝတ်ထားရတာ တတိယနှစ် ဂုဏ်ထူး တန်းရောက် တော့ ကျောင်းစရိတ် မရှိ တော့လို့ ရောင်းသုံး ရတယ်။အဲဒါနဲံ မလောက်လို့ နဒီမြန်မာဟိုတယ်မှာ တစ်လ ၁၀၅၀ကျပ်နဲ့ ဘဲလ်ဘွိုင် လုပ်ခဲံရရဲံ။ပထမနှစ် ဂုဏ်ထူးတန်း
အတွက် ဖားကန့်မှာ လက်သမား လုပ်ခဲ့ ရတယ်။ဒုတိယနှစ် ဂုဏ်ထူးတန်းအတွက် ဆိုင်းတောင်မှာ လက်သမား လုပ်ခဲ့ရ တယ်။ကျုပ် ဂိုက်သင်တန်းတက်ဖို့ ပိုက်ဆံစုဖို့ ဆီဒိုးနားဟိုတယ် လောင်ဒရီဌာနမှာ ဝင်လုပ်ပြီး ပိုက်ဆံစုခဲ့ရရဲ့။ဂိုက်သင်တန်းတက်ရင်း မလောက်လို့ ရန်ကုန်မှာ စာလိုက်သင်ရင်း ဝင်ငွေရှာခဲ့ရရဲ့။ကျုပ် မဟာဘွဲ့သာရရော ကျုပ်အိမ်က တစ်ပြားမှ မပေးနိုင်ဘူး။ကေအိုင်အေစခန်းတွေထဲကဖြတ်သွားရလိုသွားရ။သတိမိုင်းထောင်ထားသည် လမ်းပေါ်မှ သွားပါ ဆိုတဲ့ မှတ်တိုင် တွေဘေးကလည်း သွားခဲ့ရ။ ကေအိုင်အေဂိတ်တွေကို ငွေ၄၅ကျပ်နဲ့ ဆန်တစ်ဘူးပေးပြီးလည်း ဖြတ်ခဲ့ရ။ဟိုမအေပေးစစ်သားတွေ ပေါ်တာ ဆွဲလို့ ခွေးပြေး ဝက်ပြေး လည်း ပြေးးခဲ့ရ။ဘဝကြမ်းပုံများပြောပါတယ်။
တစ်ခါတစ်လေ ကိုယ်ဟာကိုယ်တောင် ငါ ဘယ်လိုလုပ်များ မဟာဘွဲ့ ရသွားပါလိမ့်။ရုန်းကန်ခဲ့ရသမျှဟာ အိပ်မက်တွေလို ပါပဲလား လို့ တွေးမိပါရဲ့။
ကျုပ်ငယ်တုန်းက အရွယ်နဲ့ မမျှအောင် ရုန်းကန်ခဲ့ရတဲ့ဒါဏ် တွေက အသက် ကြီးလာလေလေ ဒါဏ်တွေကပေါ်လေပါပဲ။ ကျန်းမာရေးလည်း သိပ်မကောင်းချင်တော့ဘူး။ ကျုပ်ကလေးနှစ်ယောက် ဘွဲ့ရပြီးရင်တော့ ကျုပ်ဘဝကို တရားလေးထိုင် အများအကျိုးအတွက်အပင်လေးတွေစိုက် ကလေး တွေ ကို အခမဲ့ စာသင်ပေးရင်း ဘဝရဲ့ နောက်ဆုံးအချိန်တွေကို အေးအေးချမ်းချမ်းလေး ဖြတ်သန်းချင်တယ်။
၁၉၉၃ ခုနှစ် နှစ်ဆန်းပိုင်းတုန်းကပေါ့လေ။ ဆရာမှိုင်း တက္ကသိုလ်တွေ မဖွင့်မီ လုံးခင်းမှာ စက်လှေ စပါယ်ယာအဖြစ် ဘ၀ကို ဖြတ်သန်းနေရတဲ့အချိန်တုန်းကပေါ့။
တစ်မနက်တော့ ကျုပ်နေတဲ့ အိမ်က ဂျစ်ကားမောင်းတဲ့ မောင်နိုင်က ကျော်ငွေ ငါ့ ကားစပယ်ယာမရှိဘူး။ သည်နေ့ ငါ့နောက် လိုက်ခဲ့စမ်းပါ တဲ့။ သည်ကောင်က အိမ်ရှင်ရဲ့ သမက်အငယ်ကောင်။ သူ့ ကားစပယ်ယာကောင် မန္တလေးသားက သည့်အရင်ရက်က လုံးခင်း မ၀င်ခင် လယ်ပြင်ဂိတ်နားမှား ကားတက်မောင်းလို့ တိုက်မိရာက ထွက်ပြေးသွားလို့ စပယ်ယာက မရှိတော့ ကျုပ်ခဏခဏ ခေါ်နေတာ။ ကျုပ်မှာ စက်လှေနောက်လိုက်သာက နေ့တွက်ရသေးရဲ့။ သူ့နောက်လိုက်တာ နေ့တွက်ကမရသေး အိက်ကပ်ထဲက စုထားတဲ့ ပိုက်ဆံလေးက ပါပါသွားသေးနဲ့။
အဲသာနဲ့ ကျုပ်လည်း ဘုမသိဘမသိ ဂျစ်ကားစပယ်ယာ ထလုပ်ပြီး လိုက်သွားရသပေါ့။ သူ့ကို လောပန်းတွေက အပြတ်ငှါးထားလို့တဲ့ လိုက်ပို့ရမှာတဲ့။ တရုတ်လောပန်းတွေ။ ငါးယောက်ခြောက်ယောက်လုပ်။ အမျိုးသမီးနှစ်ယောက်လား ပါသေးရဲ့။
မနက်လဘက်ရည်လေး သောက်ပြီး လိုက်လာခဲ့ရတာ။
ဘယ်ဆီ မောင်းသွားသတုန်း တောမှော်ဘက်ဆီ။ တောမှော်မရောက်ခင် တစ်နေရာရောက်တော့ ကားကို ဘယ်ဘက်ထဲ ချိုးပြီး လမ်းကလေးယောင်ယောင်အတိုင်း မောင်းလာလိုက်ကြတာ။ ဘယ်ရောက်လို့ ရောက်မှန်းကလည်း မသိဘူး။ လမ်းကလည်း လှည်းလမ်းသာသာ ။ လမ်းရယ်လို့တောင် ပီပီပြင်ပြင် မရှိပါဘူး။။ နောက်ဆုံးတော့ တောကြီးမျက်မဲ အလယ်တည့်တည့် မောင်းမရတော့ ရပ်ထားလိုက်ကရော။
ကျော်ငွေ မင်း ကားစောင့်နေရစ်တဲ့။
လူသွားလူလာ မရှိ။
နေပြောက်တောင် မထိုးတဲ့ တောကြီးမျက်မည်း အလယ်ခေါင်။
မောင်ကျော်ငွေနှင့် ဂျစ်ကားတစ်စင်းသာ ကျန်ရစ်တော့သည်။ ကားဆရာကလည်း လောပန်းတွေနောက် လိုက်သွားသည်။ မှော်အသစ်တွေ့လို့ သွားကြည့်ကြတာဆိုလား။ မနက် ၉ နာရီလောက်က သွားလိုက်တာ။ နေမွန်းတည့်လို့လည်း ပေါ်မလာ။
ကျုပ်မှာ သည်အချိန် ကေအိုင်အေတွေများ ရောက်လာရင် ငါ့ ဘယ့်နှယ်ရှင်းရပါ့။ ဆင်ရိုင်းအုပ်ကြီးများ ရောက်လာရင် ငါတော့ ပြေးမလွတ်နိုင်လောက်ဘူး။ ကျားကြီးများ ထွက်လာရင်
ငါ့မှာ ဘာလက်နက်မှ မရှိ။ ဒုက္ခပဲပေါ့။
ဟိုကောင်တွေ ပြန်မလာလေ။ ကျုပ်ကလည်း တစ်ယောက်ထဲ အော် အော်ဆဲပြီး မေတ္တာပို့လေ။ တစ်ယောက်ထဲ လေးငါးနာရီ ထိုင်နေရတာ။ စဉ်းစားသာကြည့်ပေတော့။ တောကလည်း နက်မှနက်။ ဗိုက်ကလည်းဆာ။ ဘေးနားကအပင်တွေကလည်း ဘာသီးမှ ခူးစားစရာမရှိ။
နေ့လည် ၂ နာရီလောက်မှ မောင်မင်းကြီးသားတွေ ပြန်ရောက်လာတော့တယ်။ အဲသည်ကမှ ပြန်မောင်းလာကြတာ ။ နေ့လည်စာဖြင့် သုံးနာရီကျော်မှ လုံးခင်းပြန်ရောက်မှ စားရတော့တာပဲ။
ဘုံဘ၀မှာ ကြုံရပါပေါ့လေ။
၁၉၉၁ခုနှစ် ဒီဇင်္ဘာဆောင်းညတစ်ည။
ဆရာမှိုင်း အဲသည်အချိန်က မိုးကောင်းမှာ လက်သမားလုပ်ရင်း ဘ၀ကို ကျင်လည်ဖြတ်သန်းနေရချိန်ပင်။ ဘူတာ၏ အရှေ့နားက ဦးခင်အောင်တို့အိမ်တွင် အိမ်ဆောက်ပေးရင်း အိမ်စောင့်ရင်း ကျနုပ်တို့ လက်သမားအဖွဲ့တွေ ကွန်းခိုနေကြရသည်။ ဆရာမှိုင်း မိုးကောင်း ရောက်ကတဲက သည်အိမ်မှာပဲ နေခဲ့ရသည်။ (အိမ်ပြီးသွားလို့ အိမ်အပ်ပြီး တစ်ခြားအဖွဲ့တော်သားတွေ ပြောင်းသွားကြသော်ငြားလည်း ဦးခင်အောင်နှင့် ဒေါ်ထွေးကြည်က ဆရာမှိုင်းကို သူတို့အိမ်မှာပဲ အိမ်ခန်းတစ်ခန်းပေးပြီး ဆက်နေစေသည်။ ထမင်းကလည်း ကျွေးထားသေးသည်။ ဘ၀တစ်ကွေ့တွင် ခေတ္တခဏမျှ ခိုလှု့ခွင့် ပေးခဲ့ကြသည် သူတို့မိသားစုအား ကျေးဇူးတင်ရသည်။)
သို့ကလို လက်သမားအဖွဲ့တွေ အိမ်ဆောက်ပြီးစ မပြောင်းရြသေးခင်။ သူ့သမီးနဲ့ သူ့တူနှင့် တစ်ခြားကျောင်းသူမကလေး စုစုပေါင်း သုံးယောက်က ကျောင်းတက်ရတာ ဝေးတော့ သည်အိမ်မှာ လာပြီး ကျောင်းတက်သဖြင့် သူတို့ကို စောင့်ရှောက်ပေးရသည်။ ညပိုင်းတွင် အင်္ဂလိပ်စာ သင်ပေးရသည်။
ထိုတစ်ညနေကတော့ သူတို့ သုံးယောက် ရွာပြန်သွားကြသည်။
ည သန်းခေါင်ခန့်အချိန်။
ဆရာမှိုင်းတို့ အဖွဲ့တော်သားတွေ ဆောင်းအေးအေးမှာ ကွေးကောင်းနေသည့်အချိန်။
ကျယ်လိုက်တဲ့ ပေါက်ကွဲသံ။ ပြင်းလိုက်တဲ့အရှိန်။ တစ်သက်နှင့်တစ်ကိုယ် သည်တစ်ခါသာ ကြားဖူးတော့သည်။ မိုးကောင်းနေတာက တောင်ထိပ်ကနေ အမြောက်ကတော့ ခဏခဏ ပစ်ခတ်သံကြားရသဖြင့် အမြောက်သံလောက်ကတော့ ရိုးနေပြီ။
သည်ပေါက်ကွဲသံက အမြောက်သံထက် ဆယ်ဆမက ပြင်းသည်။
ပေါက်ကွဲသံက ကျနုပ်တို့နှင့် မလှမ်းမကမ်း မိုးကောင်းမြို့အ၀င်စ ဘူတာ၏ တောင်ဘက်နားလောက်ဆီကပင်။
ဂျိန်း
ကွဲပြန်ပြီ။ မိုင်းကွဲသည့်အသံကြောင့် ဆရာမှိုင်းတို့ အိပ်နေသည့်အဆောင်ကြီး ငလျင်လှုပ်သလို တုန်ခါနေသည်၊
ဂျိန်း
တုန်နေသည့် အိမ်ကလေး ငြိမ်မယ်ကြံသေး နောက်တစ်လုံး ကွဲပြန်ပြီ။ တစ်မြို့လုံး ငရဲပွက်ချေပြီ။ ဆရာမှိုင်းတို့ နေသည့်ရပ်ကွက် မိုင်းကွဲသည့်နေရနှင့် အနီးဆုံး။ နောင်ကိုက်တော် တစ်ရပ်ကွက်လုံး ဆူဆူညံညံ ဖြစ်နေလေပြီ။ ခေါ်သံအော်သံများ ကြားနေရပြီ။
မိုင်းကြီးပဲ ရှစ်လုံးတိတိ ကွဲသည်။ မိုင်းကွဲသံပြီးတော့
တူး ဟူး ဟူး
မြည်သံထွက်လာပြီး စက္ကန့်ပိုင်းအကြာ ၀ုန်း ကနဲ့ ကွဲပြန်ပြီ။
လောင်ချာပစ်သံဟု ဆိုသည်။ ဘယ်နှစ်လုံး ပစ်မှန်းကို ရေမရတော့။ပြီးတော့ ဒက် ဒက် ဒက် နှင့် အဆက်မပြတ် ဆွဲသံ။ စက်ေ သနတ် ပစ်သံ။ တစ်နာရီနီးပါး ပစ်ခတ်ပြီး အသံဗလံများ ငြိမ်သွားသည်။
ကေအိုင်အေက မိုးကောင်းအ၀င် ဘူတာရွာနားက ချောင်းပေါ်က သံလမ်းတံတားကို လာရောက် တိုက်ခိုက် ဖျက်ဆီးလိုက်ခြင်းပင်။
အသံဗလံတွေ ငြိမ်သွားပြီး သုံးလေးနာရီကြာမှ ရဲဘော်တွေ ဗိုလ်ကြီးတွေ အော်ဟစ်ပြီး ဒေသခံ တပ်ရင်းက စစ်သားတွေ အသံကြားရတော့သည်။ မိုးကောင်းသားတွေကတော့ မေတ္တာပို့ကြသည်။ နင်တို့အဖေတွေက မိုင်းခွဲပြီးလို့ တောင်ပေါ်ပြန်တက်သွားရော့မယ်။ အခုမှ ထလိုက်ရသလား တဲ့၊ တိုက်ပြွဲဖစ်ပြီး သုံးနာရီ လေးနာရီကြာမှ ထွက်လိုက်သံကြားရသည်။
ဒါကြောင့် မိုးကောင်းသားတွေက သူတို့မြို့က တပ်ကို အမည်သညာ ပေးထားသည်။
ခွေးပြေးဝက်ပြေး ၇၄ တဲ့။
မိုးကောင်းက ၇၄
မိုးညှင်းက ၁၅
ဟိုပင်က ၃၇
ဆားမှော်က ၁၀၅
နမ္မတီးနားက တပ့သစ်တွေ ၂၅၄ ၂၅၆ ဆိုမှတ်တာပဲ။
ဖားကန့်ဆီနေလိုက်တာ သည်တပ်တွေထဲကဖြင့် ၂၂၂ နှစ်သုံးလုံး တပ်တစတပ်ပဲ အတိုက်အခိုက် ကောင်းတယ် နာမယ်ထွက်တာပဲ။
မနက်မိုးလင်းတော့ ကျုပ်ဘေး အိပ်နေတဲ့ နားထိုင်း သန်းတင်က မညတုန်းက အိမ်က သွပ်မိုးကလည်း ဆူညံနေအောင် သွပ်ပြန့်တာတဲ့။
တစ်မြို့လုံး ခြောက်ခြားနေသည့်အချိန်။ နားထိုင်းတစ်ယောက်ပဲ ဘာမှ မသိလိုက်။ သူပဲ ကောင်းရဲ့လို့ တွေးမိလိုက်ပါရဲ့။
ထူးဆန်းတာတစ်ခု မိုးကောင်းဗျူဟာက ဗျူဟာမှူးအဖွဲ သံလမ်းပြေး သံချပ်ကာယာဉ်ဖြင့် အခင်းဖြစ်ရာသို့ လိုက့သွားပြီး ကြည့်သည်။ လိုက်စစ်ဆေးပြီး ပြန်အလာ တံတားကနေ ထွက်လာပြီး ခဏနေတော့ သူတို့ သံလမ်းပြေး ကားနောက်မှ မိုင်းတစ်လုံး ထကွဲလိုက်ပြန်သည်။ ကေအိုင်အေ ထောင်ထားသည့်မိုင်း။ အသွားဖြတ်တုန်းက မကွဲ အပြန် ဖြတ်ပြန်လာမှ နောက်မှာ ကွဲကျန်ခဲ့သည်။ကံကောင်းလေစွ။
မနက်လင်းတော့ တပည့်သုံးယောက် ပြန်ရောက်လာသည်။ မျက်ရည်တွေနဲ့။ တုန်တုန်ရီရီ။ မတုန်ပဲ ရှိပါ့မလား ကေအိုင်အေကနေ သူတို့ရွာထဲက ဇိမ်ပြေနပြေ စက်သေနတ်နဲ့ လောင်ချာနဲ့ ဆွဲနေတာကိုး။
ဘာရယ်မဟုတ်ပါဘူး။ ဟိုနေ့က ပြင်ဦးလွင် လာတိုက်တာ တပ်တွေက လေးနာရီကျော်မှ ပြန်လိုက်နိုင်တာဆိုလို့လွန်ခဲ့တဲ့ အနှစ်သုံးဆယ်လောက်က ကြုံခဲ့ဖူးတာလေး ပေါ်လာလို့ ။
ကျုပ် ၁၉၉၀ နှစ် အောက်တိုဘာလ ကုန်လောက်မှာ စပေါ့ချောင်းဖျား အရေးအခင်းပြီးကာစမှာ ဖားကန့် ရောက်သွားတယ်။စပေါ့ချောင်းဖျားအရေးအခင်းဆိုတာက ကေအိုင်အေက ဖားကန့်ကျောက်စိမ်းတွင်းနယ်တစ်ခွင်က ဖိုးသမား။ဖိုးရောင်းသူ။ သူများ မယား ကြာခိုသူပါမကျန် စပေါ့ချောင်း ဖျား ခေါ်ပြီး ရှင်းပစ်တဲ့အချိန်အခါ သမယကို ခေါ်ကြတာ။ဖားကန့်က နာမည်ကြီး မကြီးမငယ်တို့ညီအမ ကိုယ်ဝန်ဆောင်နဲ့ အသတ်ခံရတဲ့ အထဲ ပါသွားရော။ဖိုးရောင်းတာကိုး။
ကျုပ် ညီတော်မောင်ဝမ်းကွဲတစ်ယောက်တောင် တစ်အိမ်တစ်ယောက် မလိုက်မနေရ လိုက်ကြည့်ရမယ်လို့ အမိန့်ထုတ်လို့ လိုက်ကြည့်ခဲ့ရသေးသတဲ့။ဖိုးသမားတစ်ယောက် ကျည်တစ်တောင့် မသေလို့ စပေါ့ချောင်းထဲမြောလာရင် ချောင်းထဲကကေအိုင်အေ ရဲဘော်က ဝါးရင်းတုတ်နဲ့ ရိုက်သတ်သတဲ့။ကျေးရွာလူကြီးတွေလည်း ဖိုးသမားမှန်သမျှ ဖမ်းပေးရ မယ်အမိန့်ထုတ်လို့ ကေအိုင်အေ ကြောက်တော့ ဖမ်းပေးရတယ်။ နောက်ပိုင်း တပ်မတော်စစ်ကြောင်း ရောက်လာတော့ ဖမ်းပေးရကောင်း လား ကေအိုင်အေနဲ့ ဆက်သွယ်တယ် ဆိုပြီး အဖမ်းခံကြရ ပြန်ရော။ လုံးခင်း ဥက္ကဌလည်း ထောင်ကျပြန်ရော။ လုံးခင်းတုန်းက နေခဲ့ရတဲ့အိမ်က မကြီးတို့ရဲ့ အဖေဦးညွန့်မောင်လည်း ဖိုးသမားတွေ အသတ်ခံရတဲ့အထဲ ပါသွားရော။ကေအိုင်အေတွေ အဲသည်လို ရှင်းလိုက်ပေမယ့်လည်း ဖိုးသမား ဖိုးရောင်းတဲ့လူက ပျောက်မသွားတော့ပါဘူး။အမြစ်တွယ်သလို တွယ်နေပြီ။
၁၉၉၂ ဆောင်းရာသီတစ်မနက်မှာ ဆရာမှိုင်းလည်း တက္ကသိုလ်တွေ မဖွင့်သေးတော့ လုံးခင်းမှာ လက်သမားလုပ်နေရသပေါ့လေ။
တစ်မနက်မှာ လုံးခင်းဈေးထဲက ဦးစံခဲအိမ်ခေါင်ပေါ်တက်ပြီး သွပ်မိုးဖို့ပြင်နေချိန်ပေါ့လေ။
ဦးစံခဲက ကျုပ်တို့ဆောက်နေတဲ့အိမ်ကလေးရဲ့ဘေးက အခန်းလေးထဲမှာ နေကြတာ။တစ်မနက်လုံး မောင်စံခဲတစ်ယောက် ဟိုလူ့အော် သည်လူ့ဟောက်နဲ့ ဆဲဆိုနေတာ။ ကျုပ်က သိနေတယ်။သည်လူကြီး ရင်းထနေပြီဆိုတာ။ခဏနေတော့ သူ့သမီးလေးကိုချီပြီး အခန်းထဲ ဝင်လာတယ်။ကျုပ်က လည်း သည်လူကြီး ဘာများလုပ်မလို့ ပါလိမ့်ဆိုပြီး ကြည့်နေမိတယ်။ ဖြူဖြူအမှုန့်လေးတွေကို ရေနဲ့ဖျော်ပြီး ဆေးထိုးအပ်နဲ့စုပ်ယူ။ပြီးတော့ သူ့လက်က အကြောထဲ သွင်းနေလိုက်တာ။အပ်ကလေးလည်း အကြောထဲတည့်ရော။မောင်မင်းကြီးသား ပြုံးလာလိုက်တာ။သည်လူကြီး အဲသည်လိုပြုံးတာ တစ်ခါမှ မမြင်ဖူးဘူး။တက္ကသိုလ် အီးမေဂျာ ပထမနှစ်တက်တော့ လီယိုတော်စ်တွိုင်းရဲ့ မိုက်ကယ်ပြဇာတ်ကလေး သင်ရတော့ ဖိနပ်ချုပ်သမား မိုက်ကယ်ပြုံးတာ အဲသည်လိုပဲနေမှာ လို့တောင် အောက်မေ့မိပါရဲ့။ ဆေးလည်းသွင်ပြီးရော။မောင်စံခဲ အမူအယာက လုံးဝပြောင်းသွား ချေပြီ။သူ့သမီး နှစ်နှစ်သားလောက်ကို သမီးလေးရေ အချစ်တုံးလေးရေနဲ့ ချိုလိုက်တဲ့စကား။သြော် လူ တစ်ယောက်စိတ်ကို ချက်ချင်းကို ပြောင်းသွားစေပါလား။သွားရှာချေပြီ။နောက်ဆုံးအဆင့် ရောက်ရှာပြီပဲလေ။ လူ့လောကထဲ ကြာကြာနေရတော့ မည် မဟုတ်ချေတကား။
ကျုပ်တို့ရွာက ကျုပ်အကိုတစ်ဝမ်းကွဲ စိုတင့်လည်း ဖိုးနဲ့ဘဝဆုံး။ အကိုနှစ်ဝမ်းကွဲ အောင်မြင့်လည်း ဖိုးနဲ့ ဘဝဆုံးရှာကြပေါ့။ သူဌေး ဖြစ်ချင်လို့ ဖားကန့်တက် လာကြ။သူဌေးကား မဖြစ်ပါပဲ မူးယစ်ဆေးသားကောင်ဖြစ်ပြီး အသက်ဆုံးသွားကြသောသူတို့ကား ဘယ်နှစ်ယောက်များ ရှိသွားချေပြီ မသိချေတကား။
၁၉၉၂နှောင်းပိုင်း ၁၉၉၃ နှစ်ဦးပိုင်း လောက်ကပေါ့လေ။ကျုပ်လည်း တက္ကသိုလ်တက်ဖို့ ကျောင်းစားရိတ် ကလေးရဖို့ လုံးခင်းနဲ့ ဖားကန့် ပြေးတဲ့ စက်ျလှပေါ်မှာ စက်လှေ စပယ်ယာလုပ်ပြီး ရှာဖွေနေရတဲ့ အချိန်အခါသမယပေါ့။လက်သမားတစ်နေကုန်လုပ်မှာ ၁၅၀ ပဲရတဲ့အချိန် စက်လှေပေါ်လိုက်တော့ ဖားကန့် လုံးခင်းအသွားအပြန်တစ်ခေါက်သွား
ရင် ၂၀၀ ရတယ်။ကျုပ်နဲ့ လှေမောင်း တဲ့ ကုလားခေါ်တဲ့ သန်းထွန်းဆိုတဲ့ ပိုင်ရှင်သမက်ကလည်း အတွဲက ညီတော့ တစ်ရက် ၂ခေါက်အနည်း ဆုံးရတော့ ကျုပ်အတွက် လက်သမား လုပ်တာထက် ပိုကိုက်သပေါ့လေ။ကျုပ် တက္ကသိုလ်သာ လာခဲ့ရတာ ငါရှာခဲ့တဲ့ငွေက လောက်မှလောက် ပါ့မလား။တိုးလိုတန်းလန်းနဲ့ပဲ ပြန်ပြေးရလေမလားနဲ့ တွေးပူနေရ သကိုး။တက္ကသိုလ်ဘဝ ကောင်း ကောင်းမပျော်နိုင်ပါဘူး။ ကြားထဲမှာ
ငွေပြတ်သွားရင် ဘယ်သူ့ဆီကမှ အကူအညီတောင်းမရနဲ့ ကျုပ်မှာလည်း စိတ်တထင့်ထင့်နဲ့ တက်ခဲ့ရရဲ့။ပထမနှစ်ပြီးတော့ စာရင်းပေါင်းကြည့်မှ ကျုပ် ကျောင်း စားရိတ် ၈၀၀၀ ပဲကုန်သကိုး။ အဲသည်ကျမှ သည်ငွေလောက်တော့ ဖားကန့်မှာ ငါရှာလို့ရတာပဲ ဆိုပြီး စိတ်အမောသက်သာရတော့တယ်။
အဲသည် လုံးခင်းက စက်လှေပေါ်လုပ်နေတော့ တစ်ရက်မှာ ကျုပ်နေတဲ့အိမ်က ဂျစ်ကားက စစ်တပ်က ချောဆွဲလေရော။လုံးခင်းမှာ အဲသည်တုန်းက ကားကလည်း လက်ချိုးရေလို့ရတဲ့အချိန်ကိုး။ဗျူဟာမှူးရှေ့တန်းလာစစ်မှာမို့ ဟတ်စကီး ဆင်းရင် ဗျူဟာမှူး နဲ့ လိုအပ်ရင် လိုက်ပေးဖို့ရာတဲ့ဗျ။ဂျစ်ကားမောင်းတဲ့သမက်အငယ်ကောင် မောင်နိုင် ကလည်း ငါ့ကားစပယ်ယာမရှိဘူး။ မင်းလိုက်ခဲ့ဦးကွ ဆိုလို့ ကျုပ်လည်း စက်လှေစပယ်ယာဘဝက ခနတဖြုတ် စုတေပြီး ဂျစ်ကားစပယ်ယာဘဝကို တစ်ခနတာ ပြေားင်းခဲ့ရသကိုး။ ဟတ်စကီးက လုံးခင်းကျောက်စိမ်း ရုံးနားက ရှေ့တန်တပ်ရင်း တောင် ကုန်းအခြေက စာသင်ကျောင်းဝင်း
ထဲ ဆင်းလာတယ်။ကျုပ်တို့လည်း ဂျစ်ကားပေါ်ကို ဟတ်စကီးပေါ်က ပါလာတဲ့ အထုတ်တွေအပိုးတွေ လက်ဆောင်ထုပ်တွေ တင်ပြီး သူတို့ခိုင်းတဲ့နေရာတွေ လိုက်ပို့ ပေးရသပေါ့လေ။မောင်နိုင်က အထုပ်ထဲကပါလာတဲ့ အသီးတွေ မုန့်ထုပ်တွေ နှိုက်ပြီး သူ့ တူးဘောက်ထဲ ထည့်တယ်။ငါတို့ ကားခက တစ်ပြားမှမရဘူးကွ။ အလကားလိုက်ရတာ။ဘာမှ မရတဲ့အတူတူ ရတာယူထားမယ်ကွတဲ့။ကျုပ်ကိုလည်း မင်းစားချင်တာ ယူထားတဲ့။ကျုပ်လည်း ပန်းသီး နှစ် လုံးသုံးလုံးလောက် ကောက်နှိုက်ထား ရတယ်။အဲသည်ခေတ်က အထမ်း အပိုးနဲ့ သွားရတဲ့ခေတ်ဆိုတော့ အစားအသောက်ကလည်း ဈေးက အင်မတန်ကြီးသကိုး။
အဲသည်လို ဟတ်စကီးလည်း ဆင်းပြီးရော ရှေ့တန်းက တာဝန်ခံ ဗိုလ်မှူးနဲ့ လေယာဉ်မှူးတို့ ပါတဲ့ပစ္စည်းစာရင်းအပ်ကြတယ်။ပြီးတော့ တာဝန်ခံ ဗိုလ်မှူးကို လေယာဉ်မှူးက ယောဉ်ဆီနှစ်ပေပါတောင်းတယ်။ကျုပ်ကတော့ ဟတ်စကီးထဲ ထည်မလို့ လား အောက်မေ့ပါတယ်။ ဘယ်ဟုတ်ပါ့မလဲကွယ်။မြို့ထဲက လောပန်းဆီ နှစ်ပေပါစလုံး ရောင်းစားသွားသဟဲ့။လောပန်းနဲ့ သူ့အဖွဲ့ကလည်း ယူလာတဲ့ ဂျစ်ကား ပေါ်တင်ပြီး မောင်းထွက်သွားလေရော။
ကျုပ်လည်း စိတ်မချမ်းမသာနဲ့ တိုင်းပြည်ဘဏ္ဍာတွေ သွားရှာပါပေါ့ လားဟဲ့ အိပ်ကပ်ထဲ လို့ တွေးပြီး စိတ်မကောင်းဖြစ် ကျန်ရစ်ခဲ့ရသပေါ့လေ။
ကြုံပလေ ဘုံဗွေပေါ့လေ။သခင်တင်မြစကား ငှားသုံးရရင်ဖြင့် ဘုံဘဝမှာ ကြုံရပါ ပေါ့လေ။
လွမ်းမိပါ၏ နောင်ကိုက်တော်
ကိုးတန်းအေင်သော် ဆယ်တန်း ကျောင်းလခ တစ်လ ၂၅ ကျပ် ပေးရ မည်ဖြစ်၍ ရွှေကျင်လိုက် သွားရာ ငှက်ဖျားနှိပ်စက်သဖြင့် ဆေးရုံ နှစ်ခါ ပြန်တက်ရ၏။ ကျောင်းတွေဖွင့် နေသော်လည်း ဆေးရုံက မဆင်းရ သေး။ ထိုနှစ်က ကျောင်းနှစ်လကျော် နောက်ကျမှ တက်ရ၏။ ဆယ်တန်း လည်းကျလေ၏။နောက်တစ်နှစ်ပြန် တက်စတွင် အရေး အခင်းဖြစ်သဖြင့် ကျောင်းအားလုံး တစ်နှစ်ကျော် ပိတ်ခံရပြန်၏။သို့နှင့် ကျနုပ်လည်း မိုးကောင်းမြို့သို့ စတင်ရောက်ရှိ သွားတော့သည်။မိုးကောင်းရောက်သော် အစ၌ ဈေးကုန်းရပ်၌ နေရ၏။ နောက်ပိုင်းတွင် နောင်ကိုက်တော် ရပ်ကွက် ဦးခင်အောင်+ဒေါ်ထွေးကြည် တို့ အိမ်မှာ အိမ်စောင့်ရင်း နေရ၏။ မိုးကောင်းမြို့ နေခဲ့ရသည့် လေးငါးနှစ်ကာလတွင် နောင်ကိုက်တော်၌ သာ နေထိုင်ခဲ့ရသည်။
ကျနုပ်ကား တန့်ဆည်မှာ မွေးသော် ငြားလည်း မိုးကောင်းမှာ ကြီးပြင်း ရသည်ဟု ဆိုရချေမည်။ မိုးကောင်း တစ်မြို့လုံး လှည့်ပတ်၍ လက်သမား လုပ်ခဲ့ရ၏။ကျနုပ်မှာ အလုပ်မခိုကပ် သဖြင့် အိမ်ရှင်တိုင်းက သဘောကျ ကြ၏။အိမ်ရှင်များ သဘောကျသော် လည်း ပတ်ဝန်းကျင်ကား အတော် နားငြီးပေမည်။တွံ့တေးသိန်းတန် သီချင်းကို ခုနစ်အိမ်ကြား ရှစ်အိမ်ကြား အော်ဆိုတတ်သောကြောင့်တည်း။
သို့ကလို မိုးကောင်း၌ လက်သမား နှစ်ရှည်လများ လုပ်သော်ငြား ပိုက်ဆံက မစုမိချေ။ မိုးကောင်း စရောက်ရောက်ချင်း တစ်ရက် ၁၂ ကျပ်ရ၏။မိုးကောင်းနောက်ဆုံးအချိန်တွင် တစ်ရက် ၈၅ကျပ်ရ၏။ နောက်ဆုံး မိုးကောင်း၌ ဆက်နေလျင် ကျနုပ် တက်ချင်သည့် တက္ကသိုလ် တက်နိုင်ဖို့ လမ်းမမြင်သဖြင့် ဖားကန့် သို့ ဒုတိယ အကြိမ် ထွက်သွားရ ချေတော့သည်။ ဤအကြိမ်သည် အတော်ဆိုး၏။ ပိုက်ဆံလမ်းစားရိတ် မရှိသဖြင့် မိုးကောင်းကနေ ဖားကန့်ထိ ခြေလျင် လျောက်ခဲ့ရ၏။လမ်းတွင် သုံးည အိပ်ရ၏။ထိုအချိန်မှစ၍ မိုးကောင်း သည် ဖြတ်သွားဖြတ်လာ သာ ရှိတော့၏။
လွမ်းမိပါ၏ ယဉ်စီနီမာရုံ။ဖူးချင်ပါသေးသည် ရွှေသာလျောင်း ဘုရား။သတိယနေပါသည် ဈေးကုန်းရပ်က ဂရိတ်စာပေ။ မြင်ယောင်မိပါသေးသည် ကျွန်းတော တံတားပေါ်က ဂျပန်ခေတ်က စက်သေနတ် ကျည်ဆံ ရာများ။နန့်ရင်းရပ် အရှေ့ရပ်။ရွာသစ် ဖိုးချစ်ကုန်း နတ်ကြီးကုန်း အိုးကုန်း။
ဘူတာရွာနားက တံတား ကေအိုင်အေ မိုင်းလာခွဲတာလည်း မှတ်မိပါသေး၏။ ဈေးကုန်းရပ်က ဗွီဒီယိုမှာ ပျဉ်မငုတ်တို ဇာတ်လမ်းလေး ကြည့်ကောင်းနေ တုန်း ပေါ်တဆွဲလို့ ထွက်ပြေးခဲ့တော့ နောင်ကိုက်တော်ကို ဘယ်လိုပြန် ရောက်လာမှန်းတောင် မသိ ခွေးပြေး ဝက်ပြေး ပြေးခဲ့ ရတာ လည်း သတိယမိပါ၏။အိမ်ရောက်တော့ မျှော့ အကောင် သုံးလေးဆယ် တွယ်လာ တာကိုလည်း သတိယမိပါ၏။ တစ်နှစ်မှ တစ်ခါတက်ရသည့် ဝေပုလ္လ တောင်ကိုလည်း သတိယပါ၏။ နန့်ရင်းချောင်း မိုးကောင်းချောင်းကို သတိယမိ၏။
တက္ကသိုလ်တက်ဖို့ လျောက်လွှ့ာတင် ရန် ဖားန့်မှ ပြန်အလာ ယောက်ဖ လုပ်သူက သူ့အကြွေး ၁၉၀၀ မပေးသဖြင့် ရဲတိုင်တောင်းရာ ရထားထွက်ခါနီး ရဲနှစ်ယောက်လာပြီး လက်မှတ်ထိုးပေးခဲ့ရတာလည်း နာကျည်းစွာ သတိယမိပါ၏။ဘဝ၏ အရသာသည်ကား ခါးသီးလှချေ တကား။ကျနုပ်နှင့် လုပ်ခတူသူ အင်ပင်အိုင်ရွာမှ ဝင်းမြင့်နှင့် လုပ်အားခ ၈၅ ကျပ်ခြင်း တူသော်ငြားလည်း ကျနုပ် ၄ခုပြီးမှ သူ တစ်ခုတောင် မပြီးသေးတာလည်း သတိယမိပါ၏။ဤမျှလောက် လုပ်ကိုင်ပေးခဲ့ရသည်ကို မထောက်။ ထိုပုဂ္ဂိုလ်ထက် တစ်ရက် ၅ကျပ်မျှ ပိုပေးဦးတော့ သူ့ငွေ ၁၉၀၀ သည် ၃နှစ်ကျော် ရွာမပြန်ပဲ မခိုမကပ် လုပ်ပေးရသည်နှင့် စာသော် ဘာမျှ ပြောပလောက်သည်မဟုတ်ချေ။သို့နှင့် ကျနုပ်လည်း ထိုစဉ်က အိပ်ကပ်ထဲ ၃၀၀၀၀ ကျော်ရှိသည်ကို မပေးခဲ့ချေ။
သို့ဖြစ်၍ ရဲတိုင်တောင်းခံရသည်။
ဦးခင်အောင် ဒေါ်ထွေးကြည်မိသားစု ကိုလည်း သတိယပါ၏။ဦးလှရွှေ ဒေါ်ချစ်ပု ကျော်မိုးထက် အားမီးတို့ မိသားစုကိုလည်း သတိယပါ၏။ အန်တီညွန့် မဖြူပြာ တို့ကိုလည်း သတိယပါ၏။
ဘာပဲပြောပြောလေ ခဏတဖြုတ် ခိုလှုံခွင့် ပေးခဲ့တဲ့ မိုးကောင်းကို ကျေးဇူးတင်၏။ပြန်ရောက်ဖို့ကား အိပ်မက်ပမာမျှသာ။
လာမည့်စနေနေ့တွင် ရွာက သင်္ချိုင်းကုန်းကို သစ်မခုတ်
တောသို့ ပြောင်းရွှေ့ကြမည် ဟု အကိုဖြစ်သူက ဖုန်းဆက်လာ သည်။မင်းစိုက်ထားတဲ့အပင်တွေ ကတော့ စိန်ပန်းပင်တစ်ပင်ပဲ လမ်းနယ်ထဲ ကျန်ရစ်မည်။ကျန်အပင်တွေကတော့ မလွတ်ဘူးတဲ့ ။မြေအလဲအထပ်လုပ်တော့ သင်္ချိုင်ကုန်းက ယာကွက်ဖြစ်သွားပြီး စိုက်ထားတဲ့အပင်တွေ ခုတ်ပစ်ပေတော့မည်။ကျနုပ်အပင်တွေကိုတော့ နှမြောမိ၏။
သင်ချိုင်သုသန် ပြောင်းမည်ဆိုတော့ စိုရိမ်မိသည်။စိုးရိမ်သည်က တစ်ခြားမဟုတ် ဂျေမ သန်းထွန်း ဟန်သောင်း စတဲ့ ဘလွတ် ရွှတ်တ ပြောတတ်သည့် သူများ ပါမည်ကို စိုးရိမ်သည်။သူသန်ပြောင်းလျင် နာနာဘာဝ ဖုတ်တစ္ဆေများကိုပါ ပြောင်းခိုင်း ရသည် ဆို၏။အဆိုပါ နာနာဘာဝများကို ရွှတ်တီးရွှတ်နောက် သွားမစကြစေချင်။
ဒုတိယနှစ်စာမေးပွဲဖြေပြီးတော့ ပထမနှစ်ဂုဏ်ထူးတန်း တက်ဖို့ ကျောင်းစားရိတ်ရှာရန် ရွာကိုမပြန်နိုင်တော့ပဲ မန္တလေးကနေ ရိုးရိုးတန်းကနေ အထူးအမြန်ရထား စိ်းပြီး မိုးကောင်းကိုလာ ခဲ့ရ သည်။စတိုင်ပင်ရတဲ့ငွေကလေးထုတ်ပြီး လမ်းစားရိတ်လုပ်လာ ရသဖြင့် အထက်တန်းလည်း ရောင်လို့မျှမလှည့်နိုင်။မိုးကောင်းကနေ ကားမိုင်းကို ကားစီးပြီး ကားမိုင်းကနေ ဖားကန့်ကို ခြေတိုအောင် လျောက်ရတောသည်။ဖားကန့်ရောက်တော့ မရှီကထောင်ရှိ အမများရှိရာအသွား ဦးလေးဖြစ်သူ ဦးသန်းအောင် လက်သမားလုပ်နေသည့် အိမ်ဘေးက ဖြတ်သွားရသည်။သူကား အမေ့မောင် တစ်ဝမ်းကွဲပင်။ငါ့တူ လက်သမား လုပ်မှာဆို ဦးလေးဆီ ၀င်လုပ်စမ်းပါ ဦးလေး လူလိုနေလို့တဲ့။ဦးလေး ကျုပ်က သုံးလလောက်အချိန်ရတာ သုံးလလုံ့း အလုပ်မပြတ်ရင် လုပ်မယ် ဆိုပြီး ရောက်ရောက်ချင်း သူတို့ အလုပ်လုပ်နေတဲ့ ပြည်တိုင်းကျော် လဘက်ရည်ဆိုင်အသစ် ဆောက်ရာကို ၀င်လုပ်ရတော့သည်။
ဦးလေးမှာ အလုပ်ကလည်း အဆင်ပြေတော့ ဂျစ်ကားလေးတစ်စီး ထောင်ထားပြီး လိုင်းပြေးနေသေးသည်။ကားဆရာက ကိုတူး။စပယ်ယာက သူ့တို့ ကန်ကလေးကုန်းရွာသား မမဲညိုသား တင်ထွန်း။ဘယ်တော့မှ စကား အတည်မပြောချေ။ပြောင်ဖို့ ပျက်ဖို့သာ နားလည်၏။ခြေလက်ကလည်း ဘယ်တော့မှ အငြိမ်မနေ။ကမြင်းလွန်း လှသည်။မျောက်နှင့်စပ်မွေးလေရော့သဘား အသိ။ကျနုပ်တို့မှာ ဖားကန့်ဘက် လက်သမားလုပ်လျင် မရှီကထောင်ဘက်ကို ဦးလေးပိုင် လှေကလေးလှော်ပြီး ကူးရသည်။မြစ်ရိုးဘက်မှ
အကိုကြီးတစ်ယောက် သင်ပေးသဖြင့် ကျနုပ်လည်း ထိုအခါ
ကြမှ လှေလှော်တတ်တော့သည်။အဆိုပါ တင်ထွန်းမှာ လှေပေါ်ရောက်လျင် လှေကို လူးအောင် ကမြင်းသည်။သို့နှင့် ကျနုပ်မှာ သူ့ကို အမြဲတန်း လှေပေါ်မှ မောင်းချခဲ့ရသည်။
တစ်နေ့တွင် ကျနုပ် လောပန်းတစ်ဦးအိမ်ဆောက်ရာမှ ရေခဲရေနှင့် ဘာသွားစားမိသည်မသိ။သွေးဝမ်းကိုက်တော့သည်။အဆိုပါရောဂါကား အင်မတန်ဆိုးသည်။ဝမ်းသွားလျင် သွေးပါလာသည်။အခု အိမ်သာကထွက် အခုပြန်ဝင်ပြေးရပြန်သည်။သို့နှင့် အဆိုပါ တင်ထွန်းက ဘိန်းခန်းသိသည်ဆိူသဖြင့် ဘိန်းနည်းနည်း ၀ယ်ပေးရန် ပိုက်ဆံ၂၀၀ပေးလိုက်သည်။ခနနေတော့ ဘိန်းခန်းက ယူဘာသည်ဆိုသော အလုံးအား ကျနုပ်အား ပေးသည်။သို့နှင့် ကြက်သွန်ဖြူဥထဲ အဲုဒါလေးနည်းနည်းထည့် မီးကင်ပြီး မျိုချလိုက်သည်။သွေးဝမ်းကား မရပ်။သေချာပြီ။သည်ကောင် ပေးလိုက်တဲ့ ပိုက်ဆံ ဂျင်ထိုးပြီး မဟုတ်ကဟုတ်ကတွေ ယူလာပြီး ပေးသည်။နေ့လည်ပိုင်းမှ အိမ်ရှင်လောပန်းမှ ဟို အလုပ်မြန်မြန် သွက်သွက်လုပ်တတ်တဲ့ကောင်လေးက ဘာလို့ မလာတာလဲ မေးမြန်းရာမှ သိသွားပြီး သူရူနေသည့် ဘိန်းနည်းနည်းပေးပြီး ကြက်သွန်ဖြူဥနဲ့ စားခိုင်းသည်။ထိုအခါကြမှ သွေးဝမ်းလည်း ရပ်ချေတော့သည်။
သို့ကလို လက်သမားလုပ်နေရာ နှစ်လခန့်ကြာသော် ဦးလေးနှင့် သူ့လက်ထောက်က ရွာခန ပြန်သွားကြသည်လက်သမားအဖွဲ့၌ လူကြီးဆို၍ ကျနုပ်သာ ရှိတော့သည်။တစ်နေ့တွင် ဦးလေး၏ ဂျစ်ကားအား ဆန်းကြွယ်ရွာမှ သင်းချိုင်ပြောင်းရန်အတွက် ချောခေါ်သွားသည်။သင်းချိုင်းကုန်းရောက်တော့ အနှီမောင်တင်ထွန်းက ဘလွတ်ရွှတ်တ လျောက်ပြောသည်။
ဟိုကောင်တွေက ကားနောက်ကတက် ဟိုကောင်တွေက ဟိုဘက်နည်းနည်း တိုးကြ။ဟိုတစ်နေ့ကမှ သေတဲ့ ဟိုဆရာမကလေးက ငါ့ဘေး ရှေ့ခန်းလာ ထိုင် ဆိုပြီး လျှောက်ပြောခဲ့သည် ဆို၏။သို့ကလို သင်းချိုင်းကုန်း ရွှေ့ပြီးသော် ကားဆရာမောင်တူးနှင် စပယ်ယာ အနှီမောင်တင်ထွန်းတို့ နေ၀င်ပြီးစ ပြန်ရောက်လာကြသည်။သူတို့ရောက်ပြီး ဘာမကြာပင် အနှီ မောင်တင်ထွန်းက ထဖောက်တော့သည်။
ဟာ ကယ်ကြပါဦး ဖြူဖြူကြီး ငါ့ဆီလာနေပြီ။ဟာ လုပ်ကြပါဥိ်းနှင် ပြောင်းဆန်နေတော့သည်။ခက်ချေပြီ။ကျနုပ်တို့လည်း ဘာလုပ်လို့ ဘာကိုင်ရမှန်းမသိ။သူ့ကိုသာ ချုပ်ကိုင် ဖိထားရသည်။ကြာလျင် မဖြစ်ချေဘူး ဆိုပြီး ကျနုပ်လည်း လက်သမားလုပ်သည့်အိမ်က ပြည်တိုင်းကျော် လဘက်ရည်ဆိုင်ပိုင်ရှင် ဦးအောင်လှိုင်ဆီ တန်းပြေးရသည်။သူကား ဘုန်းကြီးလူထွက် ဗေဒင်ယကြာနိုင်သည်။သူ့ဆီရောက်တော့ ဆရာကြိ်း အဲသည်လိုဖြစ်နေတယ် ကယ်ပါဥိ်း ဆိုတော့ ရေမန်းကလေးနဲ့ ပရိတ်ကြိုးကလေး ပေးလိုက်သည်။ကျနုပ်လည်း မောင်တင်ထွန်းရှိရာ အမြန်ပြန်ပြေးပြီး ရေမန်းနှင် ဖြန်း ရေမန်းတိုက် ပရိတ်ကြိုး စွပ်ပေးလိုက်မှ အနှိမောင်တင်ထွန်း ငြိမ်သွားတော့သည်။ဤကား သင်းချိုင်းပြောင်းရွှေ့သည့်အခါက ကြုံတွေ့ခဲ့ရသည့် ကျနုပ်၏ ကိုယ်တွေ့ပင်။
ရွာသူရွာသားများ စည်းမဖောက်ကြစေချင်။ဘလွတ်ရွှတ်တ နောက်ပြောင်မပြောကြစေချင်။
