ဗီယက်နမ်နိုင်ငံ ဆိုင်းဂုံမြို့ တိရိစ္ဆာန်ဥယာဉ်၌ ဖမ်းဆီးပြသထားသော ဆင်ကြီးတစ်ကောင်ကား တိရစ္ဆာန်ရုံအတွင်း၌ သောင်းကျန်းလျက်ရှိချေ၏။ဝန်ထမ်းများလည်း မည်သို့မျှ မထိန်းချုပ်နိုင်။မထိန်းချုပ်ရဲကြ။သို့နှင့် သတင်းက အာဏာပိုင်တို့ထံ ရောက်သွားရာ မြို့တော်အုပ်ချုပ်သည့် အာဏာပိုင်များက ဆင်ကြီးအား သေနတ်ဖြင့် ပစ်သတ်ရန် အမိန့်ပေးလိုက်၏။တိရစ္ဆာန်ရုံမှူးသည် ဆင်ကြီးကို ပစ်သတ်ရန်မှာ အတော်နှမြောလှ၏။ဆင်ကြီးမှာ အရွယ်အစားလည်းကြီးလှသည်။သို့နှင့် ဆိုင်းဂုံမြို့ထဲ ဆင်ဖမ်းပေးနိုင်မည့်သူများ ရှိမရှိ မေးမြန်းစေရာ မြန်မာပြည်မှ ထွက်ပြေးလာသော မင်းသားနှင့် အပေါင်းပါများ ဆိုင်းဂုံမြို့တွင် နေထိုင်လျက် ရှိရာ သည်မြန်မာမင်းသားနှင့် မြန်မာလူမျိုးများမှာ ဆင်နှင့်အကျွမ်းဝင်ကြသည်။သူတို့ခေါ်၍ ဖမ်းခိုင်းလျင် ရနိုင်မည်ဟု ပြောကြသဖြင့် တိရစ္ဆာန်ရုံမှူလည်း မြန်မာမင်းသားအား လာရောက်ခေါ်ဆောင်ကာ ဆင်ကိုဖမ်းဆီးပေးပါရန် မေတ္တာရပ်ခံ၏။အဆိုပါ မင်းသားကြီးလည်း သူ့ငယ်ကျွန်များနှင့် တိရစ္ဆာန်ရုံသို့ လိုက်ပါသွားပြီး ဆင်ကြီးအားမြင်လျင် ဗမာစကားဖြင့် ချော့မော့ပြောဆိုလိုက်လျင် ဆင်ကြီးလည်း မျက်ရည်များကျလာပြီး ငြိမ်သွား၏။မင်းသားကြီးလည်း ငယ်ကျွန်တစ်ယောက်အား ဆင်ပေါ်တက်စေကာ ဆင်ကို စီးစေ၏။ထိုအခါ လာရောက်ကြည့်ရှုနေသော ဆိုင်းဂုံမြို့သူမြို့သားများလည်း မြန်မာမင်းသားကြီးအား ဘုရင်ကြီး ဘုရင်ကြီးဟု အော်ဟစ်ခေါ်ဝေါ်ကြကုန်၏။မင်းသားကြီးကိုလည်း ထိုအခါမှစ၍ ဆိုင်းဂုံတစ်မြို့လုံးက ဘုရင်ကြီး ဟု ခေါ်ကြချေ၏။စာဆိုတော် စလေဦးပုည ဟောခဲ့သလို ထိုမင်းသားကြီးသည် ဘုရင်တော့ ဖြစ်ရှာပါ၏။စိတ်လိုက်မာန်ပါ လုပ်ဆောင်ခဲ့သဖြင့် မြန်မာပြည်တွင် ဘုရင်မဖြစ်ပဲ ဘုရင်ဟူသောဘွဲ့ကိုသာ ခံယူခဲ့ရချေသည်။သည်မင်းသားကြီးကို မိတ်ဆွေများ သိပါသလား။အိန္ဒိယနိုင်ငံ ဗာရာဏသီမြို့ နေကိမ်အကျယ်ချုပ်မှ လောင်ဒရီပင်းမင်းသမားကို ဘီရိုထဲထည့်ထားခဲ့ပြီး သူ၏အဝတ်အစားများကို ဝတ်ကာ လောင်ဒရီအဖိုးကြီး ဟန်ဆောင်ပြီး ဗြိတိသျှ အစောင့်အကျပ်များကြားမှ ထွက်ပြေးကာ ဗီယက်နမ်နိုင်ငံ ဆိုင်းဂုံသို့ ထွက်ပြေးခဲ့သော။ အိမ်ရှေ့စံ ကနောင်မင်သားကြီးကို လုပ်ကြံခဲ့သော မြင်ကွန်းမင်းသားကြီးပင် ဖြစ်တော့သည်။နောင်တွင် ဤမင်းသားကြီးကား အစာထဲတွင် လပေါင်းများစွာ အခပ်ခံရသော အဆိပ်ဖြင့် သေဆုံးရလေသည်။
(တက္ကသိုလ်တက်စဉ်က စာကြည့်တိုက်မှ ရှာဖွေ ဖတ်ရှုခဲ့ရသော မုံရွေးဆရာတော် ဦးဥတ္တမဗုဒ္ဓိ၏ မှတ်စုမှ ဖတ်ခဲ့မှတ်ခဲ့ဖူးသမျှ သတိယ၍ ဝေမျှပါ၏။)
No comments:
Post a Comment