ဖိုးရဲကျား(၉)

ဖိုးရဲကျား(၉)

ဖိုးရဲကျားက စကားလေးပြောလိုက်ရင် နဘေထပ်နဲ့ ပြောလေ့ရှိတယ်ဗျ။စဉ်းစားနေတာ မဟုတ်ဘူး၊တစ်ခါတည်း လက်တန်းစပ်ပြော သွားတာဗျ၊။ကျုပ်အိမ်နားက မကြည်တင်က သူ့အိမ်က နွားကို ဆေးကုပေးလို့ ပိုက်ဆံ့လေးပေးတော့ မယူရှာဘူး။မကြည်တင်က ဇွပ်ထည့်ပေးတော့ ဟဲ့ ကြည်တင်ရဲ့ မပေးပါနဲ့ဆို မခက်တခက်နဲ့ကွယ် အရက်တစ်ခွက်ပေမယ့် နင့်အိမ်လာရင် သောက်ရသေးတာဟ တဲ့။
ကျုပ်တို့ကလေးတုန်းက ဆိုတော့ မဆလခေတ်ကိုး။ တောင်သူတွေ ရွာသားတွေ အတော် ဒုက္ခရောက်ရှာကြသကိုး။ခေတ်ကလည်း မကောင်းတော့ ဖိုးရဲကျားက ညည်းရှာတယ်။ခေတ်ကာလကလည်း မကောင်းဘူး။ငွေရရင်
်ရွှေငတောင် ရောင်းလိုက်ချင်သေးတဲ့။
သူ့မိန်းမတောင် ရောင်းလို့ရရင် ရောင်းချင်သေးသတဲ့။

ဟိုတလောကတော့ သူရိယနေ၀န်းဂျာနယ်ထဲက ဆောင်းပါးလေးဖတ်မိတော့ ကျုပ် ဆယ့်လေးငါးနှစ် အရွယ်တုန်းက ဖိုးရဲကျား ရွတ်ပြတဲ့ တဘောင်ကို သတိယမိတယ်ဗျ။သူရိယနေ၀န်းထဲက သံခမောက်လေးယောက်နဲ့ ဖိုးရဲကျားပြောပြတဲ့ တဘောင်နဲ့က နည်းနည်းလေး ကွဲနေတယ် ထင်ပါရဲ့။ကောင်းတာကတော့ အကောင်းချည်းပါပဲ။တိုင်းပြည်ကိုကယ်တင်မယ့် သံခမောက်ဆောင်း လူစွမ်းကောင်း လေးယောက်များ လာဦးမယ် ထင်ပါရ့။ဲငါ့ မြေး အခု အဖိုးရွတ်ပြတာတွေ ကျက်ထားစမ်းကွဲ့။ဒါတွေက မလာသေးဘူး။နောက်မှ လာမှာတဲ့။အဲဒီကြရင် တိုင်းပြည်က ချမ်းသာလာမှာကွ တဲ့။အဖိုးက ကျက်ထားဆိုလို့ ဆိုကောင်းကောင်းရှိတိုင်း ဆိုလာခဲ့တာ အဖိုးစာထဲက ဒဿသက္ကရာစ် ဆိုတာ ဘာလဲဆိုတာ အဖိုးကို မမေးမိခဲ့ဘူး။အဖိုးကလည်း သေတာ အနှစ် ၂၀ကျော်ပြီ။ကျုပ်လည်း အဲဒီ စာတစ်လုံးထဲနဲ့ ခေါင်းမူးလာတာ အနှစ် ၃၀ကျော်ခဲ့ပေါ့။ကျုပ်တစ်ယောက်ထဲ ဦးဏှောက်ခြောက်ခဲ့ရတာ အခု ဒီဖွဘုတ်ကြီး ပေါ်လာမှပဲ ကျုပ်သူငယ်ချင်းတွေကို ၀ိုင်းပြီး ဦးဏှောက် ခြောက်ခိုင်းရတော့တယ်။ကျုပ်လည်း တဘောင်တွေကို စိတ်ဝင်စားလွန်းလို့ အကုန်လျှောက်ဖတ်တာ ထွက်ခဲ့သမျှတဘောင်ကတော့ အကုန် မှန်ခဲ့တာချည်းပဲဗျ။အခုလည်း ဒီတဘောင်ကို အမြန်ဆုံး မှန်စေချင်လှပြီဗျာ။တိုင်းပြည်ကလည်း ဦးပုညစာထဲကလို အမွဲတကာ့ ထွဋ်ခေါင် ဖွတ်မင်းနောင် ဖြစ်နေတာမို့။

ဒဿ သက္ကရာဇ် သိမ်းသည့်နှစ်တွင်
ရှင်ကျက်ပရမာ မင်းလောင်းလာသည်
သက်သာပန်းတောင်း မြို့တကောင်း
မြို့ဟောင်းမြို့သစ် တည်လိမ့်မည်။
လူစွမ်းကောင်းလေးယောက် သံခမောက်နဲ့
နောက်လိုက်အတူ ပါလိမ့်မည်။
သူတော်ယောင်ဟန် ဖန်ဆင်းကူလို့
သိကြားမင်းက ဆင်ဖြူသုံးစီး မြင်းပျံကြီးနဲ့
အပြီးဆက်သ လာလိမ့်မည်။
တစ်စီးရှင်က ပိဋကတ်ပေစာတင်
တစ်စီးရှင်က ဘုရင်တက်စီး
တစ်စီးရှင်က ဇနီး မိဖုရား စီးလိမ့်မည်။
နန်းတက်ပြီးကာ တိုင်းပြည်မှာ
ရတနာရွှေမိုးငွေမိုး ရွာလိမ့်မည်။
တစ်ရာ့တစ်ပါး လူမျိုးများ
စား၍မကုန် ပေါလိမ့်မည် တဲ့။

ကျုပ်လည်း ဖိုးရဲကျားက ကျက်ထာစမ်း ငါ့မြေးဆိုလို့ ကျက်ခဲ့ရတဲ့ တဘောင်ပဲ။ဘယ်တော့များ လာမှာလည်းတော့ မသိတော့ဘူး